შეიძლება ითქვას, უკვე დაიწყო ახალი ტყემლის სეზონი და რესტორან „შატროს“ მზარეული დათო გიორგბერიძე ამჯერად სწორედ ახალი ტყემლის მომზადებას გასწავლით.
მასალა:
* ახალი ტყემალი - 1 კგ
* ნიორი - 100 გრ
* მწვანილები - ქინძი და კამა 300 გრ, ომბალო 50 გრ
* მწვანე წიწაკა - 2 ც
* დაფქული წითელი წიწაკა, მარილი - გემოვნებით.
მომზადების წესი:
* ახალ ტყემალს ვრეცხავთ, ვყრით ქვაბში და ვხარშავთ 15 წუთი.
* როცა მოიხარშება, ვყრით თუშფალანგზე, კარგად ვაცდით გაციებას, შემდეგ ვხეხავთ და გახეხილ ტყემალს მოზრდილ თასში ვასხამთ.
* მწვანილებს ვყრით ბლენდერში, ვამატებთ ნიორს, მწვანე წიწაკას, ცოტა წყალს და კარგად ვაბლენდერებთ (ბლენდერი თუ არ გვაქვს, მწვანილები და ნიორი შეგვიძლია, ხორცსაკეპ მანქანაში გავატაროთ).
* დაბლენდერებულ (ან გატარებულ) მასას ვასხამთ გახეხილ ტყემალში.
* ვამატებთ დაფქვილ წითელ წიწაკას, მარილს, კარგად ვურევთ და ახალი ტყემალიც მზადაა.
შენიშვნა:
* ტყემლის მომზადებას, დაახლოებით, 30 წუთი დასჭირდება.
* ახალი ტყემალი დიდხანს შესანახად არ გამოგვადგება.
* ამ რაოდენობის საწებლის მოსამზადებელი ინგრედიენტების შეძენა, დაახლოებით, 3.50 ლარი დაგიჯდებათ.
გემრიელად მიირთვით!..
funtime.ge