გთავაზობთ ვაზელინის გამოყენების 11 არასტანდარტულ გზას.
1. იმისთვის, რომ დავიცვათ ლითონის ინტსრუმენტები და დეტალები კოროზიისგან, მას ზედაპირზე ვაზელინის თხელი ფენა უნდა წავუსვათ - ეს იქნება ტენისგან დამცავი შრე.
2. იმისთვის, რომ ბუნებაში ცეცხლი ადვილად და ხანგრძლივად დავანთოთ, ნაჭერი ვაზელინით უნდა გავპოხოთ - ასე ცეცხლის ანთება ბევრად უფრო მარტივია.
3. ვაზელინი შინაური ცხოველების მოვლაშიც დაგვეხმარება. ამისთვის კი პერიოდულად ვაზელინი კატას ფეხის ბალიშებზე უნდა წავუსვათ, განსაკუთრებით იმ შემთხვევაში, თუ ის ხშირად დასეირნობს ქუჩაში.
4. იმისთვის რომ ძველი ტყავის ფეხსაცმელი განვაახლოთ და მისი ზედაპირი წყალგაუმტარად ვაქციოთ, ფეხსაცმლის ზედაპირს ვაზელინი უნდა წავუსვათ და კარგად გავაპრიალოთ.
5. თუ ბეჭდის მოხსნას აუცილებლობა მოითხოვს, რომელიც ძალიან მჭიდროდ გაქვთ ხელზე, მას ვაზელინი უნდა წაუსვათ...
6. იმისთვის, რომ ლაქის სახურავი მინის ბოთლს არ მიეკროს, ვაზელინი უნდა გამოვიყენოთ.
7. ყოველ ავტომობილში არის აკუმულატორი. ის ხშირად ჟანგდება, რასაც სიტუაციის გართულებამდე მივყავართ, ამოიღეთ კლემები, ვაზელინი წაუსვით და პრობლემაც მოგვარდება.
8. ვაზელინით კარის ჭრაჭუნის პრობლემის მოგვარებაც არის შესაძლებელი.
9. თუ ქუჩაში ძლიერი ყინვაა, ცოტა ვაზელინი ლოყებსა და ცხვირზე წაისვით... ეს გაყინვისგან დაგიცავთ.
10. ხის ავეჯზე ხშირად ჩნდება ლაქები. იმისთვის, რომ ზედაპირს სიპრიალე და სისუფთავე დავუბრუნოთ, მას მცირე რაოდენობით ვაზელინი უნდა წავუსვათ და კარგად გავაპრიალოთ.
11. წავიდა შუქი და არ გაქვთ არც ფანარი და არც სანთელი? შესაძლებელია სანთლის სახელდახელოდ გაკეთება. ამისთვის ქაღალდის ნაჭერი უნდა აიღოთ, მილივით დაახვიოთ და ვაზელინიან ქილაში ჩაარჭოთ, ახლა შეგიძლიათ იმპროვიზირებული სანთელიც აანთოთ.
www.sazogadoeba.ge