სამარხვო ნამცხვარი მარწყვით



მოსამზადებლად დაგჭირდებათ: (21 სმ-იან ფორმაზე)

ცომისთვის:
ფქვილი - 250 გრ.
შაქარი - 100 გრ.
გამაფხვიერებელი - 1,5 ჩ.კ.
მცენარეული ზეთი - 4 ს.კ.
ცივი წყალი - 7 ს.კ.
ოდნავ მარილი

შიგთავსისთვის:
მარწყვი - 500-600 გრ.
შაქარი - 40-50 გრ.
ვანილის შაქარი - 1 ს.კ.
კრახმალი - 2-3 ს.კ. (სურვილისამებრ)

მომზადება: ფქვილი და გამაფხვიერებელი ერთად გავცრათ. დავუმატოთ შაქარი და ავურიოთ. წყალში ჩავასხათ მცენარეული ზეთი. ავურიოთ და მოვზილოთ ცომი (საჭიროების შემთხვევაში, დავამატოთ წყალი).

ცომი 1 საათით შევინახოთ მაცივარში. გაციებული ცომი გავყოთ 2 ნაწილად (ერთი ნაწილი მეორეზე ოდნავ დიდი უნდა იყოს). დიდი ნაწილი ფქვილიან ზედაპირზე გავაბრტყელოთ (ძალიან თხელი არ უნდა იყოს). გაბრტყელებული ცომი გადავოტანოთ ფორმაში.

მარწყვი კარგად გავრეცხოთ, გავასუფთავოთ. დურშლაგზე დავწრიტოთ და გავაშროთ. შემდეგ დავალაგოთ ცომზე. მოვაყაროთ ჩვეულებრივი შაქარი და ვანილის შაქარი.

გავაბრტყელოთ ცომის მეორე ნაწილი და დავაფაროთ ფორმაში გამზადებულ ცომსა და მარწყვს.

ნამცხვრის ზედაპირს წავუსვათ ზეთი, მოვაყაროთ შაქარი და ორთქლის ამოსასვლელად რამდენიმე ადგილას გავჭრათ.

წინასწარ 180°C -მდე გაცხელებულ ჰაერღუმელში მოვათავსოთ და დაახლოებით 50 წუთი გამოვაცხოთ.

გემრიელად მიირთვით!

წყარო: eva.ge
































ტექსტის სანახავად გაიარეთ რეგისტრაცია.