თუ ალკოჰოლი დიდად არ გიტაცებთ და მის გამოყენებაზე ხშირად გითქვამთ უარი, ეს ის შემთხვევაა, როცა თავს ამის უფლებას ვერასოდეს მისცემთ.
კოქტეილი “ბეილისის” ისტორია მე-19 საუკუნეში იღებს სათავეს. ერთ-ერთი ყველაზე თანამედროვე და პოპულარული სასმელი, “მარტინის” ინგრედიენტებით 1862 წელს დუბლინში დამზადდა. რეცეპტი წითელი ვერმუტისგან, ჯინისა და ღვინისგან მზადდებოდა. პროფესორმა ჯერი ტომასმა სან-ფრანცისკოს ერთ-ერთ ბარში თავისი ხელით შექმნა კოქტეილი, როდესაც იგი მარტინესში მიემგზავრებოდა და სასმელს მარტინი დაარქვა. ბარმენმა კი ვერმუტი და ლიმონი დაამატა და მას “ბეილისი” უწოდა. ასე რომ, დღემდე გაურკვეველია, თუ ვის ეკუთვნის “ბეილისის” რეცეპტი.
1900 წლისთვის “მარტინი” ბევრად უფრო პოპულარული იყო, ვიდრე “ბეილისი”, თუმცა მას შემდეგ, რაც ეს უკანასკნელი ფართო საზოგადოებამ დააგემოვნა, კოქტეილი მსოფლიო მასშტაბით მოთხოვნადი გახდა.
1974 წელს ირლანდიაში დამზადებულმა ბეილისმა სპირტიანი სასმელების ახალ კატეგორიას, ნაღებიან ლიქიორებს ჩაუყარა საფუძველი და ერთი წლის მერე მსოფლიო ბაზარზეც გამოჩნდა, სადაც მიუხედავად მრავალი კონკურენტისა, ლიდერობა მოიპოვა. ბოლო 30 წლის განმავლობაში ბაზარზე გამოჩენილ სპირტიან სასმელებს შორის ბეილისი ყველაზე წარმატებულია.
დღევანდელი მონაცემებით მსოფლიოს 169 ქვეყანაში ყოველწლიურად ბეილისის 50 მილიონ ბოთლზე მეტი იყიდება.
ბეილისის დამზადების მეთოდი დაპატენტებულია და საიდუმლოდაა დაცული, მაგრამ…
ჩვენ დღეს მარტივ რეცეპტს შემოგთავაზებთ, რომლის დახმარებითაც სახლის პირობებში შეძლებთ მოამზადოთ ეს უგემრიელესი და მსოფლიო ბაზარზე ერთ-ერთი ყველაზე ძვირი სასმელი. მაშ ასე.
ინგრედიენტები:
180 გრამი ვისკი ან კარგი არაყი
400 გრამი შედედებული რძე
2 პატარა ყუთი შოკოლადის რძე (”ჩუდო”)
დანის წვერით ვანილი
2 ჩ.კ. ყავა
მომზადების წესი:
ყველაფერი ჩავასხათ ბლენდერში და ავთქვიფოთ. ეცადეთ შედედებული რძე სქელი იყოს, მაგრამ თუ ის თხელია, ჩაამატეთ ცოტა სახამებელი(კრახმალი).
ათქვეფილი სითხე ჩაასხით ბოთლში და გააჩერეთ მინიმუმ ნახევარი საათი, სასურველია 2 საათი. ამის შემდეგ შეიძლება დალევა. კოქტეილი ცივი უნდა იყოს, ამიტომ მიღების წინ მაცივარში კარგად ჩააცივეთ. ძალიან გემრიელი გამოდის. ბეილისი უნივერსალური სასმელია. ის ერთნაირად კარგია როგორც სუფთა სახით, ისე ყინულითა და სხვადასხვა კოქტეილებში გაზავებული. გაითვალისწინეთ, რომ მას არ მიირთმევენ ხილის ნატურალურ წვენებთან ერთად.
ამ რეცეპტით მომზადებული “ბეილისი” ძალიან გემრიელი გამოდის.
გემრიელად მიირთვით!
წყარო: lollipop.ge
სასმელი, რომელმაც მსოფლიო აღაფრთოვანა
⏱️ 1 წთ.
👁️ 8 235
100%