ქვაბში ჩავასხათ ზეთი. დაახლოებით იმდენი, რომ ქვაბის ძირი უნდა დაიფაროს დაახლოებით 5 მმ-ზე (ზეთი სასურველია იყოს რაფინირებული), ზეთი გავაცხელოთ კარგად, ნელ ცეცხლზე, ისე რომ არ აბოლდეს და ჩავყაროთ 700-800 გრამი წვრილ კუბიკებად დაჭრილი ცხვრის ხორცი (ხორცი ზედმეტად მსუქანი და ძვლიანი არ უნდა იყოს).
ასევე ჩავამატოთ მარილი და ვშუშოთ ნელ ცეცხლზე. ხორცი რომ კარგად დაწითლდება, ჩავამატოთ 1 თავი ალყა-ალყა დაჭრილი ხახვი და 2-3 ცალი საშუალო ზომის სტაფილო (მოგრძოდ და წვრილად დაჭრილი), 2 ცალი დაფნის ფოთოლი, 6-7 ცალი პილპილის ბურთულა და ცოტა დაფქული პილპილი.
ეს ყველაფერი რომ კარგად ჩაიშუშება, ჩავაყაროთ 2,5 ჭიქა ბრინჯი (სასურველია მოგრძო). კიდევ ჩავამატოთ მარილი, დავასხათ წყალი იმდენი, რომ ბრინჯს ასცდეს დაახლოებით 1 სმ-ით, ფლავი დავდგათ გაზქურაზე და ვხარშოთ ნელ ცეცხლზე, საბოლოო მომზადებამდე.
ეს ფლავი შეიძლება გაკეთდეს ასევე ქათმის “ფილეთი” ან საქონლის ხორცით.
ინგრედიენტები:
ცხვრის ხორცი, 800 გრამი,
ბრინჯი, 2.5 ჭიქა,
ხახვი, 1 ცალი,
სტაფილო, 3 ცალი,
2 ცალი დაფნის ფოთოლი,
ზეთი,
შავი პილპილი,
მარილი გემოვნებით.
მნისაყოლებლად რეკომენდირებული ღვინო: რქაწითელი
წყარო: presa.ge
უზბეკური ფლავი - კულინარია
⏱️ 1 წთ.
👁️ 18 051
100%