როგორ უნდა მოიხარშოს კვერცხი? - ძალიან ფრთხილად. პირველ რიგში, საჭიროა დაიმახსოვროთ რამდენიმე წესი:
1) ნურასოდეს ნუ მოხარშავთ მაცივრიდან ახლად გამოღებულ კვერცხს, იმიტომ რომ, ძალიან ცივი კვერცხი ცხელ წყალში ჩადებისას გასკდება.
2) გამოიყენეთ ტაიმერი - არ ღირს ეცადოთ მიხვდეთ, რამდენი წუთია გასული, რაც კვერცხი იხარშება და მუდმივად შეახსენოთ საკუთარ თავს საათზე დახედვა.
3) ნურასოდეს ნუ მოხარშავთ კვერცხს დიდხანს (თუ არ გაქვთ ტაიმერი) – კვერცხის გული გაშავდება, ცილა კი “რეზინას” ემსგავსება.
4) თუ კვერცხი ძალიან ახალია (4 დღეზე ნაკლები), ხარშეთ 3 წუთით მეტი.
5) ყოველთვის გამოიყენეთ მცირე ზომის ქვაბი - როცა ადგილი ბევრია, კვერცხი ერთმანეთს ეხლება და იბზარება.
6) ნურასოდეს ნუ მიიყვანთ წყალს თუხთუხამდე; კვერცხი უნდა მოიხარშოს საშუალო ცეცხლზე.
7) გახსოვდეთ, რომ კვერცხს ბლაგვ ძირზე აქვს ბალიში, სადაც ჰაერი გროვდება. ხარშვის დროს, ამ ადგილში შეიძლება წნევა დაგროვდეს და ნაჭუჭი გაიბზაროს. ამის თავიდან ასაცილებლად და ორთქლის გამოსასვლელად, კვერცხის ბლაგვი ძირი გახვრიტეთ ნემსით.
რა თქმა უნდა, ყველას უყვარს სხვადასხვანაირად დამზადებული კვერცხი. ჩვენ გთავაზობთ კვერცხის მოხარშვის უბრალო მეთოდს, რომელზეც, ყოველთვის შეიძლება დაყრდნობა, დამოუკიდებლად გემოვნებისა.
თოხლოდ მოხარშული კვერცხი, I ხერხი – პირველყოვლისა, პატარა ქვაბში ჩაასხით მდუღარე წყალი ისე, რომ წყალი 1 სმ-ით ფარავდეს კვერცხს. შემდეგ სწრაფად, მაგრამ ფრთხილად, სუფრის კოვზის დახმარებით, ჩაუშვით თითო-თითო კვერცხი წყალში. ჩართეთ ტაიმერი და ხარშეთ კვერცხი დუღილით ზუსტად 1წუთი. ამის შემდეგ, ქვაბი გადმოდგით ცეცხლიდან და დაახურეთ სახურავი, ხელახლა ჩართეთ ტაიმერი და გადათვალეთ:
• 6 წუთი, რათა მიიღოთ რბილი გული, შედედებული, მაგრამ თხელი ცილით;
• 7 წუთი, რათა მიიღოთ უფრო მკვრივი გული, მთლიანად შედედებული ცილით.
თოხლოდ მოხარშული კვერცხი, II ხერხი –კიდევ ერთი ხერხი, რომელიც ასევე კარგად მუშაობს. ამჯერად კვერცხი უნდა ჩადოთ ქვაბში, დაასხათ ცივი წყალი, დაადგათ მაღალ ცეცხლზე და როგორც კი ადუღდება, დაუწიოთ ცეცხლი და გადათვალეთ ტაიმერზე:
• 3 წუთი, თუ გინდათ ნახევრადთხევადი კვერცხი;
• 4 წუთი, რათა ცილა შედედდეს, კვერცხის გული კი დარჩეს თხევადი;
• 5 წუთი, რათა ცილა და გული მოიხარშოს, შუაში კი დარჩეს მკვეთრად ყვითელი თხევადი გულანა. მაგრად მოხარშული კვერცხი - კვერცხი ჩადეთ ქვაბში და დაასხით ცივი წყალი, მიიყვანეთ ადუღებამდე, დააყენეთ ტაიმერზე 6 წუთი, თუ დინდათ კვერცხი, ოდნავ თხევადი გულანით;
• 7 წუთი, თუ გინდათ სრულად მოხარშული კვერცხი.
მნიშვნელოვანია, რომ სწრაფად გადაავლოთ ცივი წყალი. შეუდგით გამდინარე ცივ წყალს 1 წუთის განმავლობაში, შემდეგ დატოვეთ ცივ წყალში მანამ, სანამ არ შეგრილდება – დაახლოებით 2 წუთი.
• მოუხარშავია - თუ თქვენ გაჭრით მოუხარშავ კვერცხს, გული იქნება მოთხელო და მუქი ოქროსფერი, ნაცვლად ღია ყვითელისა.
• არაჩვეულებრივადაა მოხარშული - მაგრად მოხარშული კვერცხის ცილა უნდა იყოს ნაზი, გული კი - ფხვიერი, მაგრამ მკვრივი.
• გადახარშულია - გადახარშული კვერცხის ცილა გემოთი “რეზინას” ემსგავსება; კვერცხის გულზე ჩნდება არასასიამოვნო (თუმცა უწყინარი), მომწვანო-მონაცრისფრო ტალები.
მაგრად მოხარშული კვერცხის გაწმენდა - ზოგჯერ ძნელდება მოხარშული კვერცხის გაწმენდა, მით უფრო, თუ კვერცხი ძალიან ახალია. პირველი წესი – ეცადეთ კვერცხი მოხარშოთ შეფუთვიდან 5 დღის შემდეგ.
ყველაზე ადვილია კვერცხის გაფრცქვნა, თუ ჯერ მთლიანად დაბზარავთ და შემდეგ გამდინარე წყლის ქვეშ, ბლაგვი ძირიდან დაიწყებთ გაფრცქვნას. წყალი ჩამორეცხავს ნაჭუჭის პატარა ნატეხებს, შემდეგ კვერცხი უნდა ჩადოთ ცივ წყალში, სანამ მთლიანად არ გაცივდება. თუ თქვენ არ გააცივებთ კვერცხს სწრაფად, ის გააგრძელებს ხარშვას და გადაიხარშება და ისევ წარმოიქმნება გაშავებული გულის პრობლემა.
წყარო: presa.ge
როგორ მოიხარშოს კვერცხი?
⏱️ 1 წთ.
👁️ 4 988
100%