საჭირო მასალა:
ბრინჯი - 0,25 ჭიქა
ქამა სოკო - 400 გრ
ხახვი - 1 ცალი
ფქვილი - 3 სუფრის კოვზი
ზეითუნის ზეთი - 5 სუფრის კოვზი
საფანელი - 0,25 ჭიქა
მარილი, პილპილი გემოვნებით
მომზადება:
ქვაბში ჩაყარეთ მრგვალი ბრინჯი და დაასხით 2/3 ჭიქა წყალი. მოხარშეთ. ტაფაზე გააცხელეთ 1 სუფრის კოვზი ზეითუნის ზეთი, დაუმატეთ წვრილად დაჭრილი სოკო და ნელ ცეცხლზე მოთუშეთ, დროდადრო ურიეთ, სანამ სითხე არ აორთქლდება.
იმავე ტაფაზე ცალკე გააცხელეთ კიდევ 1 სუფრის კოვზი ზეითუნის ზეთი, დაუმატეთ წვრილად დაჭრილი ხახვი და მოხრაკეთ. შემდეგ ერთმანეთში აურიეთ მომზადებული ბრინჯი, სოკო, ხახვი და ფქვილი. დაუმატეთ მარილი და პილპილი გემოვნებით. სველი ხელებით მოამზადეთ მოგრძო კროკეტები. ამოავლეთ საფანელში.
სუფთა ტაფაზე გააცხელეთ 3 სუფრის კოვზი ზეითუნის ზეთი და კროკეტები ორივე მხრიდან შეწვით. გადმოიღეთ ქაღალდის ხელსახოცზე, რომ ზემდეტი ცხიმი შეიწოვოს. გემრიელია როგორც ცალკე კერძი, არაჟანთან ან სოუსთან, ასევე სოკოს ბულიონსა და სხვა კერძებთან მისაყოლებლად.
წყარო: etanews.ge
უგემრიელესი კროკეტები - კულინარია - რეცეპტები
⏱️ 1 წთ.
👁️ 1 465
100%