საჭირო მასალა:
ცომისთვის:
ფქვილი - 2 ჩ.ჭ.
კვერცხი - 1 ც.
მარილი - 2 ჩ.კ.
შაქარი - 2 ჩ.კ.
საფუარი - 5 გრ.
ზეითუნის ზეთი - 3 ჩ.კ.
ზედა ფენისთვის:
ზღვის კოქტეილი (კრევეტი, მიდია, რვაფეხა, კალმარი) - 250 გრ.
ტომატი - 25 გრ.
რეჰანი - 5-6 ღერი
ზეითუნის ზეთი - 3 ს.კ.
ყველი - 50 გრ.
მწვანე ზეთისხილი - 6 ც.
ნიორი - 2-3 კბილი
მარილი - გემოვნებით
ორ ჭიქა ფქვილს დაუმატეთ საფუარი, მარილი, შაქარი და თბილი წყლით მოზილეთ. ცალკე ჯამში კარგად ათქვიფეთ კვერცხი, დაუმატეთ ზეითუნის ზეთი, აურიეთ და შეაზიელთ ცომს. მზა ცომი უნდა იყოს რბილი და ხელებზე არ უნდა გეწებებოდეთ. ცომი დადგით თბილ ადგილას, ზევიდან დააფარეთ და გააჩერეთ 45-60 წუთის განმავლობაში, სანამ არ აფუვდება.
გაფუებული ცომი მრგვალ ან ოთხკუთხედ ტაფაზე გააბრტყელეთ 6-7 მმ-ის სისქეზე და რამდენიმე ადგილას ჩანგლით დაჩხვლიტეთ.
ბლენდერში აურიეთ ყველი და ნიორი, შემდეგ დაუმატეთ რეჰანი და კიდევ ერთხელ დაატრიალეთ, სანამ არ მიიღებთ მშრალ, ფხვიერ მასას.
ტომატი გახსენით ერთ პატარა ჭიქა თბილ წყალში ისე, რომ ოდნავ ფაფისებური მასა მიიღოთ, დაუმატეთ რამდენიმე წვეთი ზეითუნის ზეთი.
დაკონსერვებული ზღვის პროდუქტები დაადნეთ და შემდეგ 2-3 წუთის განმავლობაში ხარშეთ ადუღებულ წყალში, მარილის და სანელებლების გარეშე.
მწვანე ზეთისხილი დაჭერით შუაზე.
ტაფაზე გაბრტყელებულ ცომს პირველად წაუსვით ტომატის სოუსი. ზევიდან თანაბრად გაანაწილეთ მოხარშული ზღვის პროდუქტები და ზეთისხილი. ბოლოს მოაყარეთ ბლენდერში არეული ინგრედიენტები. შედგით 200 გრადუსამდე გაცხელებულ გაზქურაში. 20 წუთის შემდეგ პიცა მზად იქნება. დაჭერით, 6-8 ნაჭრად.
წყარო: etanews.ge
სამეფო პიცა - კულინარია - რეცეპტები
⏱️ 1 წთ.
👁️ 3 498
100%