ყველა დროის ვარსკვლავი სოფი ლორენი თითქმის ყველაფერს მიირთმევს, ოღონდ ცოტ–ცოტას. მისი აზრით, ამა თუ იმ პროდუქტის გამორიცხვა სულაც არ არის კარგი, სამჯერადი კვება კი აუცილებელია. მაგრამ მაინც, მისი საყვარელი კერძი იყო და ყოველთვის იქნება სპაგეტი. სპაგეტი ერთ-ერთი ყველაზე პოპულარული კერძია იტალიაში და არა მხოლოდ იტალიაში. მას საქართველოშიც ძალიან გემრიელად ამზადებენ.
გთავაზობთ მარტივ რეცეპტს, რომლის წყალობითაც სპაგეტი უფრო მეტად გემრიელი და ნოყიერი გამოდის.
ინგრედიენტები:
სპაგეტი 800 გ.
საქონლის ფარში 500 გ.
პამიდორი საკუთარ წვენში 200 გ.
ხახვი 1-2 თავი
ნიორი 2 კბილი
წითელი ღვინო 50 მლ.
მარილი და პილპილი
წითელი წიწაკა, დაფქული
მომზადების წესი:
წვრილად დავჭრათ ხახვი და ნიორი. მოვშუშოთ ზეთში. დავამატოთ ფარში და თან ავურიოთ. ვშუშოთ ხორცი, სანამ სითხეს არ დაიშრობს, ნელ ცეცხლზე. დავამატოთ წიწაკა, პამიდვრის პიურე, კარგად ავურიოთ. ორიოდე წუთში დავამატოთ ღვინო, ასევე მარილი და პილპილი გემოვნებით. ვშუშოთ კიდევ 10-15 წუთი. პარალელურად მოვხარშოთ სპაგეტი და გადავწუროთ. ჩავამატოთ სოუსში, კარგად ავურიოთ. კერძი მზადაა. თეფშზე გადატანისას შეგვიძლია მოვაყაროთ ცოტა გახეხილი ყველი.
წყარო: info9.ge
სპაგეტი ხორცის სოუსით - რეცეპტი - კულინარია
⏱️ 1 წთ.
👁️ 1 166
100%