მასალა:
• 700 გრ (ღორის ხორცი + ძროხის ხორცი) ფარში (ძროხა ცოტა მეტი აიღეთ);
• 4 კბილი ნიორი (2 ფარშისთვის, 2 სოუსისთვის);
• ერთი დიდი თავი ხახვი;;
• 100 მლ რძე;
• 1 საბავშვო ბუბლიკი ან მსხვილი ბატონის ნაჭერი;
• რამოდენიმე ღერო ოხრახუში;
• 4 ს/კ ზეითუნის ზეთი;
• კარაქი ტაფაზე წასასმელდ;
• ერთი ლიტრი დაკონსერვებული პომიდორი თავისივე წვენში;
• 1 ტკბილი წითელი წიწაკა;მარილი, წიწაკა გემოვნებით;
მომზადება:
1. მოამზადეთ ფარში, გასუფთავებული ხორცი გაატარეთ ხორცსაკეპ მანქანაში ორ-სამჯერ. რაც მეტჯერ ატარებ ხორცსაკეპ მანქანაში ხორცს, მით უფრო კარგი გუფთა გამოდის. ხორცი გავატაროთ ხახვისა და პურის გარეშე.
2. დააქუცმაცეთ ბუბლიკი ან პური წვრილად დაასველეთ რძეში 15 წუთით. დაჭერით ხახვი წვრილად და დაყარეთ ტაფაზე, დაასხით 2ს/კ ზეითუნის ზეთი და მოშუშეთ საშუალო ცეცხლზე. შემდეგ დაუმატეთ გასრესილი 2 კბილი ნიორი და მოთუშეთ კიდევ ერთ წუთს.
3. გაახურეთ აირღუმელი 200 გრადუსზე. აურიეთ ფარში, პური და ხახვი კარგად ერთმანეთში ხელით. ჟარონა გაამზადეთ, დააფინეთ პრგამენტის ქაღალდი, წაუსვით კარაქი და წყალში დასველებული ხელებით გააკეთეთ პატარა ბურთულები. დაალაგეთ პერგამენტზე.
4. გუფთები მზადების დროს უშვებენ წვენს, ამიტომაა საჭირო რომპერგამენტზე წავუსვათ ცხიმი რომ არ მიეწებოს. შევდგათ 20 წუთით გახურებულ აირღუმელში.
5. ამ დროს გავამზადოთ სოუსი. დავჭრათ ტკბილი წითელი წიწაკა ძალიან წვრილ კუბიკებად. გავახუროთ ტაფაზე 2 ს/კ ზეითუნის ზეთი და დაჭრილი წიწაკა დავყაროთ ზედ. დავუმატოთ წვრილად დაჭრილი ნივრის 2 კბილი და დაბალ ცეცხლზე მოვშუშოთ რამოდენიმე წუთით.
6. ავიღთ პომიდვრები ქილიდან და წვენი გადავასხათ ცალკე ფინჯანში. პომიდვრის რბილობი დავსრისოთ და (კანის გარეშე აუცილებლად) დავუმატოთ მოშუშულ წიწაკას და ნიორს. დავუმატოთ ცოტაოდენი დაახლოვებით 100-150 მლ პომიდვრის წვენიც. გაუსინჯეთ გემო თუ აკლია მარილი დაუმატეთ. დაახურეთ ტაფას და მოთუშეთ 20 წუთის განმავლობაში. ამის შემდეგ ამ მასას დაუმატეთ მზა გუფთები, ფრთხილად ამოურიეთ, რომ გუფთები სოუსით დაიფაროს, კიდევ 20 წუთს თუშეთ დახურულ საფარებლით და დაბალ ცეცხლზე. თუ შეატყვეთ რომ წვენი შეაშრა დაუმატეთ პომიდვრის წვენი.
7. მოხარშეთ სპაგეტი მარილიან წყალში. დაჭრით ოხრახუში წვრილად. დიდ ლანგარზე ჯერ მოათავსეთ სპაგეტი, ზემოდან ლამაზად შემოუწყვეთ გუფთები, მოასხით სოუსი და მოაყარეთ არომატული ოხრახუში.
8. კერძი მზადაა. გემრიელად მიირთვით!
