შობა – ყველაზე მხიარული და ჯადოსნური საოჯახო დღესასწაულია, ამიტომ მას ქრისტიანები განსაკუთრებული მოლოდინით ხვდებიან. არ იშურებენ დროსა და ფინანსებს, საშობაო სუფრისთვის პროდუქტს დიდი ხნით ადრე იმარაგებენ. ყველა ქრისტიანულ ქვეყანას საკუთარი საშობაო ტრადიციული კერძები აქვს, თუმცა ღუმელში შემწვარი ფრინველი სატენით თითქმის ყველა ქვეყანაში ძალიან უყვართ.
საშობაოდ მომზადებული ბატი
ღუმელში შემწვარი მთლიანი ბატი, ან იხვი ყველაზე პოპულარული საჭმელია. ინგლისსა და აშშ-ში ინდაურს ამზადებენ, გერმანიაში, დანიაში და ევროპის სხვა ბევრ ქვეყანაში – იხვს, ან ბატს.
ინგრედიენტები:
* 1 ბატი ან დიდი ზომის იხვი
* 300 გრამი კარტოფილი
* 2 ვაშლი
* სალბი, როზმარინი გემოვნებით
* მარილი, პილპილი – გემოვნებით
მომზადების წესი:
კარტოფილი ჩაყარეთ ადუღებულ, მარილიან წყალში და ხარშეთ 3 წუთი, დაჭერით დიდ კუბებად. ვაშლიც დაჭერით ისე, როგორც კარტოფილი. აურიეთ ვაშლი და კარტოფილი როზმარინსა და სალბში და შემდეგ გამოიყენეთ ფრინველის სატენად. ამოვსების შემდეგ იხვი (ანდა ბატი) ამოკერეთ. ფრინველის ფეხები და ფრთები მჭიდროდ შეკარით ძაფით. ფრინველს გარედან წაუსვით მარილი და წიწაკა, დაჩხვლიტეთ რამდენიმე ადგილას ჩანგლით. შედგით ღუმელში ფოლგადახვეულ ბადეზე.
ღუმელი გააცხელეთ 190 გრადუსამდე, ფრინველის შეწვის დრო მისი ზომით განისაზღვრება – ყოველ 500 გრამზე 20 წუთია საჭირო. პერიოდულად ფოლგაში მოგროვებული ცხიმი გადაუსვით ფრინველს, რაც დაგრჩებათ კი ქილაში მოაგროვეთ და ამ ცხიმით, შეგიძლიათ, გემრიელად შეწვათ კარტოფილი.
სადღესასწაულო კერძი, რომელიც შობას აუცილებლად უნდა მოამზადოთ
⏱️ 1 წთ.
👁️ 2 750
100%