სწორად შეურჩიეთ ადგილმდებარეობა. აირჩიეთ ის მცენარე, რომელიც მოუხდება ამა თუ იმ ოთახს. განსაზღვრეთ ოთახში სინათლის და ტემპერატურის დონე.
შეეცადეთ ყვავილი მოარიდოთ მზის პირდაპირ დარტყმას. ფანჯრის თაროები არაა რეკომენდირებული ოთახის მცენარეებისთვის, ისევე როგორც სითბოს გამომყოფი სხვადასხვა მოწყობილობები.
მოარიდეთ ყვავილები ბნელ ადგილებს.დარწმუნდით, რომ ოთახში მცენარის ეფექტური ფოტოსინთეზირებისთვის არის საკმარისი სინათლე.
ნუ დადებთ ნაზ ყვავილებს ორპირ ქარში. ეს მათი ტენიანობის დონეს შეამცირებს.
ყოველ ორ წელიწადში მცენარეები ახალ, უფრო დიდ ქოთანში გადარგეთ. ამ გზით მათ ააცილებთ „სტრესს“ და უკეთესად იყვავილებს.
აღიჭურვეთ სათანადოდ. გრძელყელიანი სარწყავი და სანამავი აუცილებელი ატრიბუტებია. ისევე როგორც მაკრატელი, გრძელტარიანი ყვავილების ჩანგალი და ღრუბელი.
მორწყეთ ყურადღებით. ბევრი წყალი ზოგ მცენარეს არ უყვარს. ქოთნის ძირში შეგიძლიათ დადოთ დრენაჟიც.
ზამთარში კი მიეცით მათ დასვენების საშუალება. ამ სეზონზე ყვავილების უმეტესობა „თვლემს“ და დიდი რაოდენობით მზის სინათლე არ სჭირდებათ, ამიტომ შედარებით გრილი ადგილი მოუნახეთ. აუცილებელია მოვაშოროთ ისინი ფანჯრებს ქარის და სიცივისგან დასაცავად. ხშირადაც ნუ მორწყავთ, რათა აარიდოთ ობი და ფესვის ლპობა.
feme.ge