ყავა ირლანდიურად



მსოფლიოში ყავის მოდუღების მრავალი ხერხი არსებობს. გთავაზობთ ერთ-ერთ მათგანს. ასეთი წესით მოდუღებული ყავა განსაკუთრებული არომატით გამოირჩევა.

აიღეთ მომცრო ჭურჭელი, რომლის ტევადობაც დაახლოებით 100-150 მლ/გრ იქნება. ჩაყარეთ სამი სავსე ჩაის კოვზი ყავა, ერთი ჩაის კოვზი შაქრის ფხვნილი, დანის წვერზე მოთავსებული მარილი და ცოტაოდენი საჭმლის სოდა. დაუმატეთ იმდენი წყალი, რომ ფაფის მსგავსი მასა მიიღოთ. ჭურჭელი ნელ ცეცხლზე მოათავსეთ და როგორც კი ფაფის მსგავსი მასა დუღილს დაიწყებს, ნელ-ნელა ჩაუმატეთ ცივი, აუდუღარი წყალი. წყალი ჭურჭლის კედლების გასწვრივ ჩაასხით და გახსოვდეთ, რომ მორევა არ სჭირდება. დააცადეთ მანამ, სანამ ყავა კვლავ არ წამოდუღდება და მერე ისევ ჩაამატეთ წყალი. ასე გააგრძელეთ მანამ, სანამ ჭურჭელი სულ არ გაივსება. და კვლავ წამოდუღების შემდეგ ყავა უკვე მზად იქნება. კარგი იქნება, თუ ყავით სავსე ჭიქაში ცოტაოდენ ვისკს და ათქვეფილ ნაღებს ჩაამატებთ. და თუკი ზუსტად ასე დაამზადებთ ყავას, ნამდვილ ირლანდიურ სასმელს მიიღებთ.

სხვათა შორის, გარდა იმისა, რომ ყავას მატონიზირებელი ეფექტი გააჩნია – ამაღლებს შრომისნაყოფიერებას, ხსნის დაღლილობას და სტიმულს აძლევს გონებრივ მუშაობას, როგორც ცნობისმოყვარე ამერიკელებმა დაადგინეს, ყავის მცირე დოზების გამოყენება მამაკაცებში სპერმატოგენეზსა და პოტენციას აუმჯობესებს. ეს ისე, ინფორმაციისთვის…


galanews.ge
































ტექსტის სანახავად გაიარეთ რეგისტრაცია.