კვება ორსულისთვის მეტად მნიშვნელოვანია და ბევრს წერენ იმაზე თუ რა და როგორ უნდა მიირთვას ორსულმა, რომ საკმარისი რაოდენობით სასარგებლო ნივთიერებები მიიღოს. საღი აზრი ჯანსაღი კვებისკენ და მრავალფეროვანი რაციონისკენ იხრება. თუმცა არსებობს პროდუქტები, რომელთა მოხმარებაც ორსულობისას რეკომენდირებული არ არის, ან საერთოდ აკრძალულია. გთავაზობთ ამ პროდუქციის ჩამონათვალს და შესაბამის მიზეზებს, თუ რატომ ითვლება ისინი ორსულობისას საზიანოდ.
მაშასადამე, ორსულობისას უმჯობესია მოვერიდოთ შემდეგ საკვებს:
ხორცეული:
მოერიდეთ ღვიძლის ჭამას, როგორც საქონლის ისე ფრინველის;
მოერიდეთ ძეხვეულს, პაშტეტებს, შებოლილ და სხვა გვარად დაუმუშავებელი ხორცისგან მიღებულ პროდუქტს, რადგან ისინი შესაძლოა პარაზიტების ან ბაქტერიების გადამტანი აღმოჩნდეს (ლისტერიოზი ან ტოქსოპლაზმოზი);
სახიფათოა ასევე ბარბექიუზე მომზადებული ხორცი, ან მაყალზე შემწვარი მწვადი, რომელიც შესაძლოა თერმულად კარგად არ დამუშავდეს;
მიირთვით ყველა სახის ხორცეული, კარგად მომზადებული და თერმულად ხანგრძლივად დამუშავებული.
რძის ნაწარმი:
მოერიდეთ არაპასტერიზებული რძის და მისგან მომზადებული პროდუქტების მიღებას;
ორსულობისას სახიფათო პროდუქტების სიაში შედის ლურჯი ყველი;
ზოგადად რძის ნაწარმის მოხმარებისას გაითვალისწინეთ რომ ისინი იყოს ახალი,დამზადებული პასტერიზებული რძისგან და შენახული წესების დაცვით. განსაკუთრებული სიფრთხილე გმართებთ ზაფხულში, რადგან რძის ნაწარმი მალე ფუჭებადი პროდუქტია და სამწუხაროდ საქართველოში ყველა მაღაზია არ იცავს შენახვის წესებს.
თევზეული:
არ არის რეკომენდირებული ორსულობისას კვირაში ორ ულუფაზე მეტი ცხიმიანი თევზის მიღება;
მოერიდეთ თევზეულს რომელიც უმად იჭმება – იცინი შეიძლება სხვადახვა პარაზიტს ან ბაქტერიას შეიცავდნენ;
თინუსი, ზვიგენი, ხმალთევზა – აკრძალულია, რადგან მათი ხორცი შეიცავს ელემენტ მერკურის.
ორსულობისას არ არის რეკომენდირებული:
უმი ან თოლხოდ მოხარშული კვერცხის მიღება, რადგან ისინი შეასძლოა სალმონელას შეიცავდეს.
უმი, თერმულად დაუმუშავებელი საკვების მიღება – მაგალითად სუში...
ახლად დაწურული წვენების, სალათების მიღება ისეთ ადგილებში სადაც სისუფთავის ნორმებს თქვენ არ აკონტროლებთ;
ხილი და ბოსტნეული, მწვანილი დარეცხეთ და დაამუშავეთ ყველა ჰიგიენური წესის დაცვით;
სასმელები:
რეკომენდირებულია, რომ სრულად შეწყვიტოთ ალკოჰოლის მიღება ორსულობისას;
არ მიიღოთ 200მგ კოფეინზე მეტი ( 2 ჭიქა ყავა ან 4 ჭიქა შავი ჩაი). გახსოვდეთ, რომ კოფეინს შეიცავს ბევრი გამაგრილებელი სასმელი, ამიტომ მათ მიღებამდე გაეცანით შემადგენლობას.
წყარო: http://babyinfo.ge/
რა არ უნდა ვჭამოთ ორსულობისას?
⏱️ 1 წთ.
👁️ 22 933
100%