ორსულობის დროსა და მშობიარობის შემდეგ, ქალის კანის საფარველი ადვილად იცვლება - ის უფრო თხელი და მგრძნობიარე ხდება. კანის ელასტიურობისა და სიმკვრივის დაკარგვის ძირითადი მიზეზი ჰორმონალური ცვლილებებია, კერძოდ კი ესტროგენების დისბალანსი და კორტიზოლის ჰიპერსეკრეცია (ჭარბი რაოდენობით გამომუშავება). კორტიზოლი- არის სტეროიდული ჰორმონი, რომელიც თირკმელზედა ჯირკვლის მილაკოვან შრეში გამომუშავდება. ჰორმონის ჭარბი რაოდენობა იწვევს კოლაგენის ატროფიას და ხდის მას უფრო მყიფეს.
სტრიები ძირითადად მუცელზე ჩნდება, მაგრამ ასევე შეიძლება ზურგზე, თეძოებსა და მკერდზეც გაჩნდეს.
სტრიების წარმოქმნა 80% ორსულობის მე-5 თვიდან ძლიერდება და მას გარდა ჰორმონალური ძვრებისა წონაში სწრაფი მატებაც განაპირობებს. ორსულობის პერიოდში მნიშვნელოვანია წონის კონტროლი. ორსულის რაციონში მინიმალური რაოდენობით უნდა იყოს კონცენტრატების, ცხოველური ცხიმებისა და კონსერვანტების შემცველი პროდუქტები. მოცემულ პერიოდში მენიუ უნდა შეიცავდეს E ვიტამინით გამდიდრებულ პროდუქტებს, როგორიცაა მწვანე ბოსტნეული, მცენარეული ცხიმი, ბურღული, პარკოსნები, ღვიძლი, კვერცხის გული, რძის პროდუქტები, შვრია. თუ სითხის მიღება არ არის შეზღუდული ექიმის მიერ, დღეში დაახლოებით 2ლ სითხე უნდა მიიღოს, რაც ხელს შეუწყობს კანის ელასტიურობას. მასაჟი რამდენადმე ჭიმავს კანს, აძლევს სიმკვრივეს და ელასტიურობას. სასარგებლოა მასაჟის დროს ზეთების გამოყენება.
ებისმიერი ვარჯიში (ზომიერების ფარგლებში, კუნთების გაძლიერების ხარჯზე,) ხელს უშლის სტრიების წარმოქმნას; ასევე მთავარია კანის სწორი მოვლა და კოსმეტიკა. ამ დროს 2 სახის კოსმეტიკური საშუალებაა საჭირო: პირველი - აქტიური დამატენიანებელი საშუალებები. მეორე –საშუალებები, რომლებიც კანს ანიჭებს სიმკვრივეს და აღადგენს მის სრულყოფილ ფორმებს.ორსულობის მეორე ტრიმესტრისათვის კანი ხდება დაუცველი. იგი შრება, იფიტება და საჭიროებს ყოველდღიურ მოვლას, რათა აღიდგინოს ელასტიურობა და კორტიზოლის უარყოფით მოქმედებას ეფექტურად გაუმკლავდეს. სტრიების პროფილაქტიკა იძლევა კარგ შედეგებს, ხოლო რაც შეეხება მის აღმოფხვრას ძალზე რთულია (თითქმის შეუძლებელი).
პირველი პირობა სტრიების გაჩენის შეფერხებაზე არის- ზრუნვა კანზე: გასუფთავება, დატენიანება და კვება.როგორც უკვე ავღნიშნეთ, ჰორმონალური ცვლილებების გამო კანი უფრო მგრძნობიარე ხდება; ორსულობის მე-3, მე-5 თვეები კი სტრიების გაჩენის კრიტიკული პერიოდია; ამ დროს უკვე საცხები და ზეთებია საჭიროა, რომლებიც ამაგრებენ ეპიდერმისის ქსოვილს, ააქტიურებენ იმ უჯრედების ცხოველქმედებას, რომლებიც წარმოქმნიაინ კოლაგენსა და ელასტინს. ამავდროულად კრემები ინტენსიურად ატენიანებენ და არბილებენ კანს; ამაღლებენ რეგენერაციულ ფუნქციებს, აძლიერებენ უჯრედულ დაყოფას.კვლევებმა აჩვენა რომ საცხები, რომლებიც შეიცავენ ვიტამინ E-ს, ელასტინს, პანთენოლს - სტატისტიკურად ამცირებენ სტრიების გაჩენის ალბათობას.
ასევე ვიტამინები: A, ჩ, B9, B12, F – რომლებიც ამაღლებენ კანის სიმკვრივეს და ტონუსს, უნარჩუნებს რა მას წყლის ბალანსს. მოვლის საშუალებები უნდა შეიცავდეს ამინომჟავებს, ეთერზეთებს, ზეითუნის ზეთს, ელასტინს, კოლაგენს.ვიტამინი E შედის ბევრი ნატურალური კომპონენტების შემადგენლობაში, რომლებიც გამოიყენება კოსმეტიკაში.Mმაგ.: როგორიცაა ქაცვის ზეთი, ნუშის ზეთი, კაკლისა და კედრის ზეთები (კედრის ზეთი ერთ-ერთი შეუცვლელი და უნიკალურია ცხიმებს შორის; სრულფასოვნად კვებავს და აღადგენს კანის ბუნებრივ ტენიანობას; მატებს კანს ელასტიურობას და სიმკვრივეს; აჩქარებს კანის უჯრედების რეგენერაცის პროცესს; კედრისა და კაკლის ზეთები ასტიმულირებენ შემაერთებელი ქსოვილების ახალი ცილების ხინთეზს, რაც აფერხებს სტრიების წარმოქმნას), ხორბლის ჩანასახის ზეთი და ა.შ.
წყარო: life.mediamall.ge
როგორ ვებრძოლოთ სტრიებს ორსულობის შემდეგ?
⏱️ 1 წთ.
👁️ 5 443
100%