ძირითადი პროდუქტები, რომლებიც ლამაზი კანის საწინდარია



თუ სხეულს მოხდენილობას ფიზიკური დატვირთვა და ვარჯიში მატებს, სახის კანზე მნიშვნელოვან გავლენას ახდენს საკვები. სპეციალისტებმა დაასახელეს ხუთი პროდუქტი, რომლებიც სახის კანის სილამაზეს განაპირობებს.

თევზი. თევზი ომეგა-3 მჟავებისა და ცხიმების საბადოა, რომლებიც ამცირებს კანის სიმშრალესა და ანთების რისკს. გამოკვლევამ აჩვენა, რომ მას, ვინც ამ მჟავებსა და ცხიმებს თითქმის არ იღებს, კანის ისეთი დაავადებები ემუქრება, როგორიცაა ეგზემა და მგლურა.

ომეგა-მჟავები და ცხიმები, გარდა იმისა, რომ კანს აჯანსაღებს, გულ-სისხლძარღვთა სისტემასაც უხდება და სისხლის მომარაგებას აუმჯობესებს, კარგი სისხლის მიმოქცევის წყალობით კი კანს მეტი ჟანგბადი მიეწოდება, რაც მისთვის აუცილებელია. მეორე მნიშვნელოვანი ელემენტი, რომელსაც თევზი შეიცავს, არის თუთია. ის მუწუკებისა და ლაქების წარმოქმნას უშლის ხელს.

C ვიტამინით მდიდარი ხილი და ბოსტნეული. C ვიტამინი ხელს უწყობს კოლაგენის გამომუშავებას, რომელიც კანის სიმკვრივისა და სისუფთავისთვის არის აუცილებელი.

30 წლიდან ორგანიზმში კოლაგენის გამომუშავება მცირდება, ამიტომ აუცილებელია ისეთი პროდუქტების მიღება, როგორიცაა კივი, ფორთოხალი, ასკილი. გარდა ამისა, ეს პროდუქტები შეიცავს ანტიოქსიდანტებს, რომლებიც თავისუფალი რადიკალების წარმოშობას ებრძვიან.

წითელი, სტაფილოსფერი და მწვანე. კომბოსტო, სტაფილო, ჭარხალი და სხვა ფერადი პროდუქტი ბეტა-კაროტინისა და A ვიტამინის საბადოა. სწორედ ისინი უნარჩუნებენ კანს სინორჩესა და სიმკვრივეს.

გარდა ამისა, A ვიტამინი ხელს უწყობს ახალი უჯრედების წარმოქმნას.

ნუში, თხილი, კაკალი მდიდარია E ვიტამინით, რომელიც კანს ულტრაიისფერი სხივებისგან იცავს. ცნობილია, რომ ულტრაიისფერი გამოსხივება კანის კიბოს იწვევს, E ვიტამინი კი კანს სინოტივეს უნარჩუნებს და ერთ-ერთი მძლავრი ანტიოქსიდანტია.

მარცვლეული. მარცვლეული კანს ახალგაზრდობას უხანგრძლივებს, რადგან მასში ბევრია ბიოტინი,რომელიც კანში ცხიმების წარმოქმნას განაპირობებს. ეცადეთ, მიირთვათ რუხი პური


ძირითადი პროდუქტები, რომლებიც ლამაზი კანის საწინდარია


წყარო: etanews.ge
































ტექსტის სანახავად გაიარეთ რეგისტრაცია.