ექსპერტები, მედიკოსები, ფსიქოლოგები გვირჩევენ, ავადმყოფობის დროს ბავშვს "იავნანა" ვუმღეროთ.
ლონდონის უნივერსიტეტთან არსებული კლინიკის, "გრეით ორმონდ სტრიტის" სპეციალისტებმა ჩაატარეს ექსპერიმენტი 3 წლის და უფრო პატარა ბავშვებზე, რომელთაგან ზოგიერთი გულის გადანერგვისთვის ემზადებოდა.
პატარებს რეგულარულად უმღეროდნენ და მათ მიერ ტკივილის აღქმის სიმძლავრესა და გულისცემის სიხშირეს ზომავდნენ. შედეგები შეადარეს იმ ბავშვების მაჩვენებლებს, რომელთაც ძილის წინ წიგნებს უკითხავდნენ ან სულაც, მარტონი იძინებდნენ.
აღმოჩნდა, რომ იმ ბავშვების ტკივილის სიმძლავრემ და გულისცემის სიხშირემ, რომელთაც ძილის წინ "იავნანას" უმღეროდნენ, საგრძნობლად დაიწია.
მეცნიერები გვირჩევენ, გამოვიყენოთ მუსიკალური თერაპია კლინიკებში – ის სასიამოვნოა და ზოგიერთ შემთხვევაში, წამალზე არანაკლებ ეფექტური
წყარო
დედის ნამღერი "იავნანა" ბავშვს ტკივილს გაუყუჩებს
⏱️ 1 წთ.
👁️ 2 233
100%