ბევრ პატარას ეშინია წყლის. მერე რა რომ დედა გვერდით ჰყავს. ვაითუ, წყალი შეუვიდეს პირში, თვალში, ცხვირში? ჰოდა, ნაპირზე ყოფნა ურჩევნია!
ასე ხშირად ხდება. ამიტომ ნუ დაიბნევით, არ არის აუცილებელი დაბანის დროს თქვენი შვილი განწირული ტიროდეს. მიუდექით საკითხს ფანტაზიით და პატარასთვის ბანაობა სიამოვნებად და გართობად გადაიქცევა.
გაათბეთ სააბაზანო (თუ კერძო სახლი გაქვთ და ზაფხულია, გამოიტანეთ პატარა ბასეინი მზის გულზე), აავსეთ თბილი წყლით და მის გარშემო უამრავი რეზინის ან პლასტმასის სათამაშო მიმოაბნიეთ.
დასვით ბავშვი აბაზანის პირზე სათამაშოებთან და დაიწყეთ მასთან ერთად თამაში.
რამდენიმე წუთის შემდეგ შეგიძლიათ, ვითომ და შემთხვევით, რომელიმე სათამაშო წყალში ჩააგდოთ და გაიღიმოთ, ეცადეთ ბავშვს იგივე სურვილი აღუძრათ, დაგვიჯერეთ, მალე თქვენი პატარა სათამაშოებთან ერთად წყალში აღმოჩნდება და წყლის შიშიც საპნის ბუშტივით გაქრება.
წყარო: eva.ge
მხიარული აბაზანა
⏱️ 1 წთ.
👁️ 2 172
100%