კვების დრო



ჯანმრთელობისთვის, სილამაზისთვის და წონის კლებისთვის უდიდესი მნიშვნელობა აქვს ადამიანი რას და რამდენს ჭამს, მაგრამ ასევე გადამწყვეტი მნიშვნელობა აქვს კვების დროს და ინტერვალებს ყოველ საკვკების მიღებას შორის.

1) სასურველია ადამიანმა დღის განმავლობაში ჭამოს 3-4 საათში ერთხელ. 4 -ჯერ მცირე ულუფებით. ან სამი კვება(საშუალო) + 1 წახემსება. კვების ასეთი რეჟიმი მნიშვნელოვანია ადამიანის ჰორმონული ბალანსის შენარჩუნებისთვის (ლეპტინი, ადიპონექტინი) რომლებიც მადის ცენტრზე მოქმედებენ და იცავენ ორგანიზმს გადამეტებული კვებისგან. ასეთი რეჟიმით რეგულირდება ინსულინის გამოყოფაც.

2) სასურველია კვება გაღვიძებიდან პირველი 1 საათის განმავლობაში. ამ შემთხვევაში ადამიანის მეტაბოლიზმის სტიმულირება ხდება სათანადოდ, ადვილად იწვის კალორიები. დღეისთვის კვლევები მიუთითებს იმას, რომ საუზმის გამოტოვება ერთ-ერთი მნიშვნელოვანი მომენტია დაუბალანსებელი კვებითი ქცევის ჩამოყალიბებაში და გადაჭარბებით კვებაში. საუზმის გამოტოვება ასევე ზრდის ადამიანში სტრესული ჰორმონების დონეს.


3) არ შეიძლება დაწოლამდე 3 საათის ფარგლებში კვება. ეს არა მარტო ადამიანის მშვიდი ძილის გარანტიაა, არამედ ხელს უწყობს ძილის დროს ზრდის ჰორმონის გამომუშავებას, ჰორმონული მდგომარეობის მოწესრიგებას, ძილის დროს ცხიმების წვას. როდესაც ადამიანი გვიან ღამე დაძინების წინ იკვებება ეს ზრდის რისკს მეორე დღეს გადაჭარბებულად კვებისთვის. თუ მაინცდამაინც აუცილებელი ხდება გვიან ღამით კვება, სასურველია ადამიანმა ცილები მიიღოს და არა ნახშირწყლები და ცხიმები.

4) სასურველია ვარჯიშიდან 45 წუთის ფარგლებში კვება, განსაკუთრებით მათთვის ვისაც კუნთოვანი სისტემის განვითარება სურს.

5) კვების დროს ადამიანი კონცენტრირებული უნდა იყოს საკვებზე. მაგ. არ უყუროს ტელევიზორს და ა.შ. როდესაც სხვა რამეზეა კონცენტრირებული მაღალია ალბათობა რომ ჭარბად მიიღებს საკვებს.
რათქმაუნდა მუდმივად უნდა გვახსოვდეს კვების დროის მნიშვნელობა, თუმცა მხოლოდ დღის შესაბამის მონაკვეთებში კვება არ არის საკმარისი წონის კლება/შენარჩუნებისთვის, არამედ აუცილებელია მუდმივად იმის კონტროლი, თუ რითი და რამდენს ვიკვებებით.



წყარო
































ტექსტის სანახავად გაიარეთ რეგისტრაცია.