ყავის რეპუტაცია უმიზეზოდ შელახეს, რადგანაც მას ნამდვილად ბერი დადებითი თვისება გააჩნია. აი რამოდენიმე მათგანი, გაითვალისწინეთ რომ როგორც ყველაფერში, ყავის მირთმევის შემთხვევაშიც ზომიერებაა დასაცავი:
1. ყავა უხდება ალკოჰოლურ სასმელს. მეცნიერებმა დაამტკიცეს, რომ ალკოჰოლის მოყვარულები, რომლებიც რეგულარულად მიირთმევენ ყავას, ნაკლებად აწუხებთ ღვიძლის პრობლემები.
2. ერთი-ორი ჭიქა ყავა დღეში უკეთ გაგრძნობინებთ თავს და ამაღლებულ ხასიათზე დაგაყენებთ. მაგრამ არ გადააჭარბოთ! 2 ჭიქაზე მეტი ზიანს მოუტანს თქვენ ნერვულ სისტემას.
3. 30 წლიანმა კვლევამ დაამტკიცა, რომ ყავის მოყვარულებს გაცილებით იშვიათად ემართებათ ეგრეთ წოდებული პარკინსონის დაავადება.
4. ყავა ანტიოქსიდანტებს დიდი რაოდენობით შეიცავს. ანტიოქსიდანტების დღიურ ნორმას ამერიკელების უმეტესობა ყავით იღებს.
5. ყავას "შავ ოქროს" უწოდებენ, ისევე როგორც ნავთობს, ის ეკონომიკური მნიშვნელობის პროდუქტებში მეორე ადგილზე დგას, პირველ ადგილს საწვავი იკავებს.
6. ყავა ამცირებს დიაბეტის მეორე ტიპის წარმოქმნას, თუმცა დიაბეტიკებს ვისაც უყვართ ყავა უჭირთ სისხლში შაქრის რაოდენობის გაკონტროლება.
7. სპორტ დარბაზში ინტენსიური ვარჯიშის შემდეგ მიირთვით ყავა და კუნთების ტკივილი მალევე დაგავიწყდებათ. კვლევებმა დაამტკიცა, რომ ყავა კუნთებში ტკივილს და დისკომფორტს საგრძნობლად ამცირებს.
8. კიდევ ერთმა კვლევამ დაადასტურა, რომ ყოველდღიურად ყავის მიღება ამცირებს შემდგომში გულსისხლძარღვთა პრობლემების წარმოქმნის შესაძლებლობას.
9. სასარგებლოა ყავა იმათთვის ვისაც ცუდი მეხსიერება აქვთ.
10. ყავის მოყვარულმა მანდილოსნებმა არ უნდა იდარდონ მეხსიერებასთან დაკავშირებულ პრობლემებზე. საკმარისია დღეში სამი ჭიქა ყავა და 60 წელს გადაცილებულ ასაკში მეხსიერების პრობლემები მათ გვერდს აუვლიან.
11. კოფეინი არ იწვევს ჰიპერტონიას. გაგიკვირდათ? თუმცა ყველაფერი ესე მარტივადაც არ არის. ვინც არ გახლავთ რეგულარული ყავის მომხმარებელი, ორი ჭიქა ყავა ხანმოკლე დროით აუწევს წნევას, ხოლო ყოველდღიურ მომხმარებელზე ყავას არანაირი მსგავსი ეფექტი არ გააჩნია.
12. ყავა-შხამია, პირდაპირი სიტყვის გაგებით. კოფეინი ალკალოიდების ჯგუფს მიეკუთვნება. სხვა ალკალოიდებია მორფინი, მესკალინი, სტრიქნინი და ნიკოტინი. ყავაში არსებული კოფეინის რაოდენობას არ მოაქვს ზიანი ადამიანის ორგანიზმისთვის.
13. ყავა სასარგებლოა ბავშვებისთვის: 1999 წელს ოფიციალურად დაშვებული გახდა კოფეინის ინიექციები ჩვილი ბავშვებისთვის, რომლებსაც სუნთქვის სტიმულაცია ესაჭიროებათ.
14. ყავა აგაცილებთ სტომატოლოგთან ვიზიტს, იმ შემთხვევაში თუ ყავაში რძეს და შაქარს არ უმატებთ. ყავის მარცვლებს ანტიბაქტერიული თვისებებიც გააჩნიათ. ყავის ანტიბაქტერიული კომპონენტი ხელს უშლის პირის ღრუში Streptococcus mutans-ის გამრავლებას, ის კარიესის წარმოქმნის ძირითადი მიზეზი გახლავთ.
ყავის ბევრი დადებითი თვისების მიუხედავათ, ეცადეთ დღეში სამ ჭიქაზე მეტი არ მიიღოთ.
წყარო:
|
|
|
|
|
|
|
|
|
|
|
|
