უკეთესი სექსი გსურთ? დაუსვით 7 შეკითხვა თქვენს პარტნიორს



კარგი სექსუალური ცხოვრების ჩამოსაყალიბებლად გულწრფელობაა საჭირო. ვინაიდან თქვენზე უკეთ ვერავინ მიხვდება, როგორი მოლოდინი გაქვთ ინტიმური კავშირისგან, რა გსურთ და როდის, შესაბამისად, თქვენს სურვილებს ფარდა უნდა ახადოთ და პარტნიორთან გახსნილად ისაუბროთ.

დააკვირდით პარტნიორის რეაქციას, პასუხს და თქვენდამი დამოკიდებულებას, როდესაც მას თქვენს სექსუალურ სურვილებზე დაელაპარაკებით. მისადმი დაკვირვება დაგეხმარებათ, მიხვდეთ, საითკენ განაგრძოთ საუბარი და რამდენად ბოლომდე გაიხსნათ. გარდა გულწრფელობისა, ინტიმურ თემაზე მსჯელობა თავისებურად რომანტიული და საინტერესოა. იმ შემთხვევაშიც კი, თუ დავა ან კინკლაობა მოჰყვება, მას საოცარი ხიბლი აქვს. საუბრისას თქვენ არა მხოლოდ საკუთარ გრძნობებსა და სურვილებს გაანდობთ პარტნიორს, არამედ გაიგებთ მის დამოკიდებულებასაც. ერთმანეთის შეცნობით კი ბევრად კარგ და ჯანსაღ სექსუალურ ურთიერთობას ააწყობთ.

თუკი ვერ ხვდებით, თუ როგორ დაიწყოთ საუბარი ან რა სტილში ესაუბროთ პარტნიორს, გამოიყენეთ ის შვიდი შეკითხვა, რომელიც ქვემოთ არის მოცემული.

1. როგორი ტიპის შეხება მოგწონს? ნაზი, ზედაპირული სხეულის ხახუნი გირჩევნია თუ ღრმა, ძლიერი მასაჟი?

2. სხეულის რომელი ნაწილია ყველაზე მგრძნობიარე შენთვის? სად გსურთ, ყველაზე ხშირად შეგეხო?

3. რომელი ქმედება გიყვარს ყველაზე მეტად სექსის პროცესში?

4. არის თუ არა რაიმე ისეთი, რისი გაკეთებაც მუდამ გსურდა, თუმცა ჯერ არ მოგვისინჯავს?

5. გიოცნებია თუ არა თვალებახვეულ სექსზე ან რაიმე ექსტრემალურზე?

6. არის თუ არა რაიმე ისეთი, რასაც აკეთებდი ახალგაზრდობისას და დიდი ხანია აღარ გიცდია?

7. აღგაგზნებს თუ არა რომელიმე ფილმის რომელიმე სცენა ?

ამ კითხვების დასმით თქვენ პარტნიორს გახსნისა და გულწრფელობისკენ უბიძგებთ, რაც, თავისთავად, თქვენს მაქსიმალურ გულწრფელობასაც გამოიწვევს.


წყარო: lollipop.ge
































ტექსტის სანახავად გაიარეთ რეგისტრაცია.