ნარკოტიკი, რომელსაც ყოველდღე ვიღებთ

ალბათ ყველამ იცის, რომ დიდი რაოდენობით შაქრის მიღება ორგანიზმისთვის არ არის სასარგებლო, მაგრამ ზუსტად არავინ იცის, რამდენად საშიშია შაქარი ჯანმრთელობისთვის.

ამსტერდამის ჯანდაცვის დეპარტამენტის ხელმძღვანელის ჰოლ ვან დერ ველპენის ახალი ინიციატივით, მომხმარებელს უნდა აფრთხილებდნენ, რამდენად საზიანოა შაქრის მიღება. ეს ინფორმაცია კი შაქრის შეფუთვაზე ისევე უნდა იყოს მითითებული, როგორც სიგარეტის კოლოფზე.

ადამიანები ხშირად ვერც კი ამჩნევენ, როგორ ხდებიან შაქარზე დამოკიდებული. ამ დამოკიდებულებას კი ისეთივე ბრძოლა სჭირდება, როგორც, მაგალითად, მოწევის სურვილს. მეცნიერები შაქარს 21-ე საუკუნის ნარკოტიკად მიიჩნევენ.

ფაქტია, რომ სულ უფრო მეტი ადამიანს აწუხებს ჭარბი წონა და როგორც ექსპერტები განმარტავენ, თუ დღიურ რაციონში შაქრის რაოდენობას შევამცირებთ, ეს პრობლემაც გადაიჭრება.

თეონა კალაძე

წყარო: etanews.ge