მოწამვლა შეიძლება გამოიწვიოს სხვადასხვა საძილე და დამამშვიდებელი საშუალების გადაჭარბებული დოზით მიღებამ. თუ მკურნალობა დროზეა დაწყებული, ადამიანი შეიძლება გადარჩეს, ამ ნივთიერებათა დიდი რაოდენობით მიღების შემდეგაც კი. ამ მხრივ, დიდი მნიშვნელობა აქვს ექიმამდელი დახმარების დროულ აღმოჩენას.
საძილე საშუალებების მიღებიდან 10-30 წუთის შემდეგ, ავადმყოფს ეწყება საერთო მოდუნება, მთქნარება, ძილიანობა, ქუთუთოები უმძიმდება, თვალებს ვეღარ ახელს და ჩქარა იძინებს. მძიმე მოწამვლის დროს, ავადმყოფი უგონო (კომურ) მდგომარეობაში ვარდება და შეიძლება დაიღუპოს, სუნთქვის გაჩერების გამო.
უპირველეს ყოვლისა, სავალდებულოა სასწრაფო დახმარების გამოძახება. მის მოსვლამდე, თუ ავადმყოფს ღრმად არ სძინავს, უნდა ამოვურეცხოთ კუჭი და მივცეთ სასაქმებელი მარილი. ღრმა ძილში მყოფს უნდა გავუხსნათ ტანსაცმელი, თავი უბალიშოდ დავადებინოთ და გვერდზე მოვუბრუნოთ, რათა პიღებინებისას სასუნთქი გზები არ გადაიკეტოს. თუ ხრიალით სუნთქავს, ან თუ სუნთქვა შეუწყდა, ხელოვნური სუნთქვა უნდა ვაწარმოოთ
წყარო: presa.ge
დახმარება საძილე საშუალებებით მოწამვლისას
⏱️ 1 წთ.
👁️ 1 674
100%