კიბო – 21-ე საუკუნის სენი, რომელსაც მედიცინა ვერ ამარცხებს. დღემდე მიდის კამათი იმის შესახებ, თუ რა იწვევს ორგანიზმში უჯრედების გადაგვარებას. ძირითად მიზეზებად მეცნიერები საკვებს ასახელებენ.
მაშ, რომელი პროდუქტებია, რომლებიც ყველაზე მეტად უწყობენ ხელს კიბოს უჯრედების განვითარებას?
1. კარტოფილის ჩიფსები
ჩიფსი – ყველასათვის საყვარელი, გემრიელი საკვებია, თუმცა, როცა მას მივირთმევთ, უნდა გვახსოვდეს, რომ ეს საკვები შეიცავს დიდი რაოდენობით კონსერვანტს, ხელოვნურ არომატიზატორს და მავნებელ ცხიმს, რაც იწვევს არტერიების დაბინძურებას და შესაბამისად, გულის პრობლემებს. ასევე, მაღალ ტემპერატურაზე მომზადებული კარტოფილის ჩიფსი შეიცავს ნივთიერებას, რომელიც სიმსივნის განვითარებას უწყობს ხელს.
2. გენმოდიფიცირებული საკვები
ბოლო დროს გენმოდიფიცირებული საკვები ხშირად ანაცვლებს ტრადიციული წესით მოყვანილ პროდუქტებს. გენეტიკურად მოდიფიცირებული ორგანიზმები შეიცავს ქიმიურ დანამატებს, რომლებიც ხილისა და ბოსტნეულის სწრაფ ზრდას უწყობს ხელს. მისგან თავის აცილების 2 გზა არსებობს: მოვიყვანოთ ხილი და ბოსტნეული საკუთარი ხელით ან დავაკვირდეთ პროდუქციის შეფუთვაზე წარწერას: Certified Organic, რაც მოწმობს, რომ პროდუქტი ნატურალური სახით არის მოყვანილი.
3. პოპკორნი
ბავშვების და არა მარტო მათი საყვარელი სასუსნავი, მასთან ერთად ხომ განსაკუთრებით სასიამოვნოა ფილმის ყურება. თუმცა ამ დროს უნდა გვახსოვდეს, რომ ბატიბუტი ზრდის ღვიძლისა და პანკრეასის სიმსივნის გაჩენის რისკს.
4. რაფინირებული შაქარი
რაფინირებული შაქარი კიბოს განვითარების რისკს ზრდის. ის ორგანიზმში შაქრის დონის ხშირ ცვალებადობას იწვევს, რაც აზიანებს უჯრედებს. ამიტომაც მაქსიმალურად მოერიდეთ ნამცხვრებს, ორცხობილებს და სხვა ტკბილეულს, რომლებიც დიდი რაოდენობით ასეთ შაქარს შეიცავს.
5. დაკონსერვებული ხილი და ბოსტნეული
ხილი და ბოსტნეული რომ ორგანიზმისთვის სასარგებლო პროდუქტებია, ეს ყველამ კარგად ვიცით, თუმცა არა დაკონსერვებული სახით. მათ კონტეინერი აქცევს სახიფათო საკვებად, რომელთა ორგანიზმში მოხვედრაც იწვევს უნაყოფობას, სიმსივნის განვითარების რისკს და გულ-სისხლძარღვთა დაავადებებს. განსაკუთრებით მოერიდეთ დაკონსერვებულ პომიდორს, რომელიც თავისი მაღალი მჟავიანობით გამოირჩევა – გვირჩევენ ექიმები.
6. პესტიციდებით დაბინძურებული ხილი
პესტიციდები ფართოდ გამოიყენება ხილიდან და ბოსტნეულიდან მავნე მწერებისა და პარაზიტების მოსაშორებლად. ამიტომაც უნდა ვიცოდეთ, რომ თუ ხილსა და ბოსტნეულს გარეცხვის გარეშე მივირთმევთ, სიმსივნის განვითარებას ვუწყობთ ხელს. პესტიციდები ძლიერი ტოქსიკური ნივთიერებებია, რომლებიც კიბოს გაჩენის რისკთან ერთად, ბავშვებში ინტელექტის განვითარებასაც აფერხებს.
7. დამუშავებული ხორცპროდუქტები
დღეს ძალიან რთულია ნატურალური პროდუქტის ყიდვა, განსაკუთრებით კი - ხორცის. მათი უმეტესობა დამუშავებულია და შეიცავს ქიმიურ დანამატებს, რათა პროდუქტს ხასხასა ფერი ხანგრძლივი დროით შეუნარჩუნდეს. ეს დანამატები კი მსხვილი ნაწლავის კიბოს გაჩენის რისკს ზრდის. ამიტომაც მნიშვნელოვანია ვიკვებოთ ბალახზე და ნატურალურ პროდუქტზე გაზრდილი ცხოველის ხორცით
წყარო: presa.ge
7 საკვები, რომელიც კიბოს იწვევს
⏱️ 1 წთ.
👁️ 6 955
100%