როგორც ბევრი გენიალური ნივთი, ჩაის პაკეტიც სრულიად შემთხვევით გამოიგონეს: ნიუ-იორკის ერთ-ერთმა უბადრუკმა ფირმამ, რომელიც ჩაითა და ყავით ვაჭრობდა, უფრო სარფიანად რომ გაეყიდა, თავისი პროდუქციის კლიენტებთან დაგზავნა გადაწყვიტა. ჩაის ერთი ულუფა ბამბის პატარა ტომრებში დააფასოეს და კლიენტებს გაუგზავნეს.
ამ უკანასკნელებმა მიუხვედრელობის ან სხვა მიზეზის გამო, ტომრის გახსნა, მისი შიგთავსის პატარა ჩაიდანში ჩაყრა და მდუღარე წყლის დასხმა ვერ მოიფიქრეს, იგი უბრალოდ ჭიქაში მოათავსეს და ადუღებული წყალი დაასხეს. ბევრი კლიენტისთვის, ასეთი ჩაი ტრადიციული მეთოდით დაყენებულისგან არაფრით განსხვავდებოდა და მოსამზადებლადაც ადვილი იყო.
ჩაის ქაღალდის პაკეტში შეფუთვა მხოლოდ 1930 წელს დაიწყეს, როდესაც მეცნიერებმა შეძლეს ისეთი ქაღალდის შექმნა, რომელიც წყლის ზემოქმედების შედეგად არ დაიშლებოდა.
ამერიკელებისგან განსხვავებით, რომლებიც ჩაის პაკეტის გამოგონებას აღფრთოვანებით შეხვდნენ, სიახლემ ბრიტანელები აღაშფოთა. ნისლიანი ალბიონის მცხოვრებნი გამუდმებით წუწუნებდნენ, რომ თოკზე მიმაგრებული ქაღალდისგან უფრო მეტი `არომატი~ გამოიყოფოდა, ვიდრე მასში ჩაყრილი ჩაისგან. ამასთანავე, ბრიტანელები ვერ ხვდებოდნენ, როგორ შეიძლებოდა ისეთი ჩაის დალევა, რომელსაც უბრალოდ ადუღებულ წყალს ასხამდნენ და ტრადიციული მეთოდით არ აყენებდნენ.
ჩაის პაკეტმა ევროპაში პოპულარობა მხოლოდ 1960 წელს მოიპოვა. თუმცა ბევრი ადამიანი დღემდე ფიქრობს, რომ ჩაი მომზადების გამარტივების სანაცვლოდ, პაკეტი სასმელს ნამდვილ გემოს უკარგავს. სპეციალისტები კი მიიჩნევენ, რომ პაკეტებში დაფასოებული ჩაი უფრო წვრილად არის დაფხვნილი, ვიდრე ჩვეულებრივი, რის გამოც იგი ოდნავ მწკლარტე გემოს გამოჰყოფს
წყარო: etanews.ge
როგორ გამოიგონეს პაკეტში მოთავსებული
⏱️ 1 წთ.
👁️ 1 320
100%