ტესტი - ხართ თუ არა ლიდერი?



ფიქრობ, რომ ლიდერი მხოლოდ თანამდებობით ხელმძღვანელს ნიშნავს? ყოველთვის ასე არ არის. ხშირად ის, ვისაც ძალაუფლება აქვს, სულაც არ არის ლიდერი. კარგი ლიდერი სხვებს უნდა შთააგონებდეს, წინ მიუძღოდეს, აგვარებდეს ურთიერთობებს გარშემო მყოფებთან. ლიდერის თვისებები თუ გაქვს, ეს ბევრწილად განსაზღვრავს შენს წარმატებულ მომავალს.

1. გუნდში მუშაობთ პრობლემების გადასაწყვეტად. როგორ იგრძნობ თავს, თუ ვინმეს იდეა შენსაზე უკეთესი აღმოჩნდა:
ა) აღელდები
ბ) უხერხულად იგრძნობ თავს
გ) დაინტერესდები

2. გუნდურად მუშაობთ პროექტზე. როგორ აფასებ შენს იდეებს სხვების იდეებთან შედარებით?
ა) ჩემი უარესია
ბ) ჩემი უკეთესია
გ) არც კარგია და არც ცუდი

3. რა ხდება, როცა ცდილობ, სხვებს რაღაც მნიშვნელოვანი შთააგონო?
ა) არ გისმენენ
ბ) გოსმენენ, მაგრამ უჭირთ გაგება
გ) ჩვეულებრივ, გისმენენ და გიგებენ კიდეც

4. რაღაც საქმეს ბევრი დრო დაუთმე. არადა, აქამდე არავის შეუქიხარ და საერთოდაც არავითარი წახალისება არ მიგიღია. რას იზამ?
ა) გაფიცხდები და ყველაფერს მიატოვებ
ბ) ამ საქმეს დაანებებ თავს და სხვაზე გადახვალ
გ) ამ საქმეს მაინც დაამთავრებ, რადგან ის მნიშვნელოვნად მიგაჩნია

5. პროექტზე სამუშაოდ მიგიწვიეს, როგორც რიგითი მონაწილე. როგორ მიიღებ ამ შეთავაზებას?
ა) ნორმალურად, რადგან ნებისმიერ შემთხვევაში ლიდერის როლში თავს უხერხულად გრძნობ
ბ) არ მიიღებ მონაწილეობას, თუ მეთაურად არ დაგნიშნავენ
გ) არ ხარ წინააღმდეგი, რომ ხანდახან რიგითი მონაწილის პოზიციაზეც გამოსცადო თავი

6. რა ხდება, როცა არ გამოგდის ის, რის გაკეთებასაც ცდილობ?
ა) მიატოვებ საქმეს, რადგან წარუმატებლობა იმის ნიშანია, რომ არაფრად ვარგიხარ
ბ) საქმეს მიატოვებ, რადგან სხვებს შენი არ ესმით
გ) ეს წარუმატებლობა გაკვეთილად გამოგადგება და მომავალში დაგეხმარება

7. გუნდის მიერ გაკეთებულ რაღაც საქმეზე ხარ პასუხისმგებელი. რას იზამ?
ა) სამუშაოს დიდ ნაწილს დანარჩენებს გააკეთებინებ
ბ) ყველაფერს თვითონ გააკეთებ, რომ დარწმუნებული იყო - ყველაფერი სწორად გაკეთდეს
გ) ცალკეულ დავალებას მისცემ ყველას, თითოეულის ინტერესებისა და უნარ-ჩვევების გათვალისწინებით

8. რას გრძნობ იმ ადამიანებთან მუშაობისას, რომელთა მომზადება შენი მომზადებისგან განსხვავებულია?
ა) უხერხულობას
ბ) საკუთარი უპირატესობის ან არასრულფასოვნების განცდას
გ) სხვაგვარი მიდგომებისა და თვალთახედვებისადმი ინტერესსა და პატივისცემას

9. სამართლიანი კრიტიკა შენში იწვევს:
ა) საკუთარი თავით უკმაყოფილებას
ბ) სიბრაზეს
გ) სწრაფვას, საქმე გამოასწორო

10. როგორ იქცევი, თუ საქმე სხვადასხვა ხარვეზის გამო ისე არ მიდის, როგორც მოისურვებდი?
ა) წარსულ ხარვეზებს იხსენებ და ფიქრობ, რა იქნებოდა, რომ...
ბ) ყველაფერში სხვებს ადანაშაულებ
გ) ეძებ გზებს წინსვლისთვის

დათვალე, რამდენი დაგიგროვდა „ა“, „ბ“ და „გ“ პასუხი.

• თუ 7 ან მეტი „ა“ პასუხი გაქვს, ეს იმას ნიშნავს, რომ სანამ კარგი ლიდერი გახდები, მეტი თავდაჯერება უნდა შეიძინო.
• 7 ან მეტი „ბ“ პასუხი ნიშნავს, რომ სანამ კარგი ლიდერი გახდები, მანამდე უნდა ისწავლო სხვებისადმი მეტი ნდობის გამოჩენა.
• 7 და მეტი „გ“ პასუხი - საკუთარი თავისა და სხვების მიმართ ჯანსაღი დამოკიდებულება გაქვს. ეს ყოველივე გეხმარება, იყო კარგი ლიდერი


წყარო: etanews.ge
































ტექსტის სანახავად გაიარეთ რეგისტრაცია.