ზოგიერთი ქალი სულიერ გრძნობებსა და ქალურ ამბებზე დედასთან მუსაიფობს, ქმართან კი მხოლოდ სამსახურის უსიამოვნებებზე საუბარს ამჯობინებს და მისგან მხარდაჭერას ელის. ზოგიც ბავშვობიდან დაწყებულ მთელ თავის ისტორიაზე, თავისი შინაგანი ორგანოების მდგომარეობის დეტალურ დიაგნოზსა და ნათესავ-მეგობრების ოჯახურ მდგომარეობაზე ლაპარაკით ქმარს გულს უწყალებს.
საქმე ის კი არ არის, რომ მასთან თქვენს წარსულზე, ჯანმრთელობასა და ნათესავებზე საერთოდ არ ისაუბროთ, არამედ, როგორც ყველაფერში, აქაც ზომიერების დაცვაა საჭირო. მამაკაცი თქვენს რომანტიკულ ხატს მანამ ინახავს, სანამ ბოლომდე არ შეგიცნობთ.
დაიცავით დისტანცია
ძნელია თავი შეიკავოთ და არაფერი ჰკითხოთ, როცა ქმარი შინ გვიან დაბრუნდება. მაგრამ ყოველთვის სურს, რომ მიზეზი გაიგოთ? თუ გაღიზიანებული გიპასუხებთ, ეს საკმარისი ნიშანია, რომ უკან დაიხიოთ. ბევრი ქალი, განსაკუთრებით ის, ვისაც შვილი არ ჰყავს, უბრალოდ, როლებს ურევს. დედური ინსტინქტებით ხელმძღვანელობს და მამაკაცს ბავშვივით ექცევა. ზოგი ქმარს გულს უღონებს შეკითხვებით: „რაზე ფიქრობ?„ „თუ გინდა, დაგეხმარები!„ სინამდვილეში, დახმარების ნაცვლად, ხელს უშლიან და მოთმინებიდან გამოჰყავთ. სამსახურზე, წარსულსა და ნათესავებზე კითხვებით ნუ „დაბომბავთ„, თუ ამას თვითონ არ მოისურვებს, მაგრამ აქაც ფრთხილად იყავით, არ გადაამეტოთ.
ამქვეყნიურ ამაოებაზე ნაკლები იწუწუნეთ
სიყვარულის ერთ-ერთი მთავარი მტერი ყოფით პრობლემებზე ჩივილია. მართალია, ცხოვრებაში მათ გვერდს ვერ აუვლით, მაგრამ გაკონტროლება და რაოდენობის შემცირება შეგიძლიათ. ფსიქოლოგიური გამოკვლევების შედეგად გაირკვა, რომ ფულზე, საყოფაცხოვრებო პრობლემებზე, სამსახურსა და ახლობლებთან ურთიერთობაზე საუბრების დაახლოებით 80 პროცენტი უსარგებლოა, ე.ი. პრობლემების გადაჭრაში არაფრით გეხმარებათ. თუ ყოფითი პრობლემები გულს გიმძიმებთ და გტანჯავთ, საუკეთესო საშუალებაა მათზე მაღლა დადგეთ, ე.ი. მათ შესახებ არ ისაუბროთ. თუ მამაკაცს მხოლოდ „მდაბალზე„ ესაუბრებით, თქვენი ურთიერთობა სიმაღლეს დაკარგავს. თუ სიყვარულზე, ე.ი. „მაღალზე„ დაელაპარაკებით, ურთიერთობაც ამაღელბული იქნება.
წელიწადში ერთხელ ერთმანეთს დაშორდით
რაც უნდა ძლიერ უყვარდეთ მამაკაცს, ყოველთვის გახსოვდეთ, რომ მისი ფსიქიკის შესაძლებლობები უსაზღვრო არ არის. ამას თქვენგან დასვენება ესაჭიროება. მაღალი გრძნობების შესანარჩუნებლად დროებითი განშორება, უბრალოდ, აუცილებელია. გავრცელებული აზრის თანახმად, განშორება სიყვარულს ამძაფრებს და აწრთობს. ფსიქოლოგების ენაზე ეს ნიშნავს, რომ თქვენი ხანგრძლივი არყოფნის განმავლობაში მამაკაცის ცნობიერებაში თქვენი პირველი ხატი ცოცხლდება და ხელახლა შეგიყვარებთ. დაბრუნების შემდეგ ის თქვენ მიმართ უფრო ყურადღებიანი და ნაზი გახდება.
თუ გაწყენინებთ, გაებუტეთ
ერთმანეთისაგან დაღლას არამხოლოდ განშორება ხსნის. ასევე „გამამხნევებელი„ ეფექტი აქვს გაუგებრობასაც. ნუ გაგიკვირდებათ, წვრილმანი უთანხმოება დამადასტურებელია იმისა, რმო თქვენ ისევ სხვადასხვა ხართ, ე.ი. თქვენ შორის ჯერ კიდევ დისტანციაა. ამ დისტანციაში კი ერთმანეთს რომანტიკული შარავანდედით მოსილს ხედავთ. თუ ვინმე გიყვართ, შეყვარებული საკუთარი თავიც გიყვართ. თუ მეგობარი მამაკაცი გაწყენინებთ (საუბარია ისეთ წყენაზე, რომლის მიტევებაც შესაძლებელია), რამდენიმე ხნით გაებუტეთ, ეს მას ცხოვრებისაკენ დააბრუნებს და ძალას მისცემს.
ყურადღება მიაქციეთ გარეგნობას
საგნები თავისთავად გრძნობას არ ბადებს, მაგრამ არც მხოლოდ შიშველი სული უყვართ. მამაკაცზე ზემოქმედებას აგრეთვე სამოსითა და წუნდაუდებელი ფორმითაც ახდენთ. ალბათ ხშირად გსმენიათ ქალებისაგან: „მამაკაცს მე ვუყვარვარ და არა ჩემი ჩვრები„ ან კიდევ: „ისეთ მამაკაცს დაველოდები, რომელსაც მე თვითონ დავჭირდები„. ამაში აგრეთვე თქვენი გარეგნობა და სხეულიც იგულისხმება. ასეთ ქალებს არ ესმით სიყვარულის ფსიქოლოგია - მამაკაცში გრძნობების აღმოსაცენებლად გარეგნობა გადამწყვეტ როლს ასრულებს. ყველაფერი სწორედ აქედან იწყება. მომავალში მის გარეშე ურთიერთობა სიმაღლეს კარგავს. ქალი გათხოვების შემდეგ თუ თავის გარეგნობაზე არ იზრუნებს, მამაკაცის თვალში თანდათან დაკარგავს იმ მიმზიდველობას, რითაც ის მოხიბლა.
წყარო: etanews.ge
თუ გსურთ, მამაკაცისათვის ქალი-ოცნება გახდეთ
⏱️ 1 წთ.
👁️ 10 060
100%