10 რჩევა 30 წლამდე ადამიანებს მათგან, ვინც 40 წლისაა



[მანანა აბაშიძე]
მწერალმა და მეწარმემ, მარკ მენსონმა, რომელსაც ახლახანს შეუსრულდა 30 წელი, თხოვნით მიმართა 37 წელზე უფროსი ასაკის თავისი ბლოგის მკითხველებს, რომ ახალგაზრდებისთვის თავიანთი გამოცდილება გაეზიარებინათ.

ის, რაც მათ ბოლო ათწლეულში - 30-დან 40 წლამდე ისწავლეს.

თხოვნის პასუხად, მარკმა 600-ზე მეტი წერილი მიიღო. კორესპონდენციის გაცნობის შემდეგ, ის მიხვდა, რომ სხვადასხვა ფორმით, მაგრამ ზოგიერთი რჩევა პრაქტიკულად ყველა წერილში მეორდებოდა. მენსონმა მათგან 10, ყველაზე ხშირად განმეორებადი გამოყო და ერთგვარ თეზისებად ჩამოაყალიბა.

1. გაერკვიეთ თქვენს ფინანსურ მდგომარეობაში და დაიწყეთ „შავი დღისთვის“ თქვენი შემოსავლის თუნდაც, სულ მცირე ნაწილის გადანახვა

არ გადადოთ ეს ხვალისთვის. დაკავდით ამით უკვე დღეს. ამისათვის, გაისტუმრეთ ყველა ვალი და მომავალში, მკაცრად მიაქციეთ ყურადღება, რომ თქვენი ვალების საერთო ოდენობა თქვენი წლიური შემოსავლის 10%-ს არ აღემატებოდეს. გარდა ამისა, არასოდეს დააბანდოთ ფული საქმეში, სფეროში, რომელშიც ვერ ერკვევით.

2. დაიწყეთ თქვენს ჯანმრთელობაზე ზრუნვა უკვე დღეს.

თქვენი ორგანიზმი, თქვენი ჯანმრთელობა უცებ, ერთ დღეში არ ფუჭდება. 30 წლის ასაკში გგონიათ, რომ ყოველთვის ჯანმრთელი იქნებით. სინამდვილეში, ეს ასე არაა - ჯანმრთელობა ნელა, თქვენთვისვე გაუცნობიერებლად, წლების განმავლობაში გტოვებთ.

მის შესანარჩუნებლად აუცილებლად რეგულარულად ჩაიტარეთ პროფილაქტიკური სამედივინო გამოკვლევები.

დაიწყეთ ჯანმრთელი ცხოვრების წესით ცხოვრება; სპორტი და ჯანმრთელი კვება თქვენი ყოველდღიურობის აუცილებელი შემადგენელი ნაწილი უნდა გახდეს.

3. არ დაკარგოთ დრო მათზე, ვინც თქვენს მიმართ ცუდადაა განწყობილი.

არ დაკარგოთ დრო ადამიანებზე, რომლებსაც არ უყვარხართ. 30 წლისთვის უკვე უნდა იცოდეთ, რომ ადამიანებს შორის კარგი ურთიერთობები რთულად ასაგები რამაა, მაგრამ მიუხედავად ამისა, სამყაროში არაერთი ადამიანია, რომელთანაც ნამდვილად ღირს მეგობრობა. ხოლო მათთან მეგობრობისთვის დრო რომ გვქონდეს, ჩვენი ცხოვრებიდან უნდა გავუშვათ ყველა, ვისაც არ ვუყვარვართ.

4. კარგად მოექეცით თქვენს ახლობლებს - რაც შეიძლება მეტი დრო გაატარეთ ოჯახთან და მეგობრებთან.

5. ცხოვრებაში ყველაფერი ვერ გექნებათ - გაამახვილეთ თქვენი ყურადღება მხოლოდ იმაზე, რაც თქვენთვის მართლაც მნიშვნელოვანია.

6. არასოდეს შეგეშინდეთ რისკის გაწევის. თუ რაიმე არ მოგწონთ, ყოველთვის გახსოვდეთ, რომ ამის შეცვლა შეიძლება, მაგრამ ხანდახან, ამისათვის, უნდა გარისკოთ კიდეც.

7. არასოდეს შეწყვიტოთ ზრდა - ნურასოდეს დაიზარებთ საკუთარ თავზე მუშაობას.

8. ცხოვრებას ვერასოდეს დაგეგმავ უმცირეს დეტალებამდე, რადგან ას პროცენტიანი სიზუსტით არავინ იცის რას აკეთებს.

ყოველთვის გახსოვდეთ, რომ არავის ძალუძს თავისი მომავლის განჭვრეტა 5, 3 ან თუნდაც, 1 წლით წინასწარ. ამიტომ ნუ ეცდებით, რომ მუდმივად ყველაფერი აკონტროლოთ. თუმცა, არც მთლიანად თვითდინებაზე მიშვება ღირს. ამიტომ, ისწავლეთ ბალანსის დაცვა საკუთარი ცხოვრების მიმართ ამ ორ დამოკიდებულებას შორის.

9. ისწავლეთ საკუთარი დროის განაწილება ისე, რომ უყურადღებოდ არც კარიერა დაგრჩეთ, არც მოხუცი მშობლები და შვილების გაჩენაც შეძლოთ.

10. პატივი ეცით თქვენს თავს და იყავით უფრო გახსნილი, უფრო კეთილი გარემომცველი სამყაროს მიმართ


წყარო: presa.ge
































ტექსტის სანახავად გაიარეთ რეგისტრაცია.