ის, რაც არ უნდა გააკეთოთ - რჩევები მხოლოდ ქალებისთვის



თუ თვლით, რომ სიყვარულისთვის არ ხართ დაბადებული და ამას გაუთავებლად იმეორებთ, მაშინ სიყვარული არც მოვა. ხშირად ასეთი ქალები ამბობენ ფრაზებს: "ვის ვჭირდები? მე ხომ სიმარტოვისთვის ვარ განწირული. მე ოჯახი არასოდეს მექნება. ალბათ, ასე მეწერა..." რა თქმა უნდა, თითოეული ადამიანი სიყვარულისთვის არის დაბადებული, მაგრამ თუ ხშირად იმეორებთ იმას, რომ შუბლზე მარტოობა გაწერიათ და არავინ შეგიყვარებთ, ეს შემდეგ თქვენს საქციელშიც აისახება. თავად იჯერებთ, რომ ვერავინ შეგამჩნევთ და აღგიქვამთ ისეთს, როგორიც ხართ.

ასეთი ქალები ყოველთვის ებღაუჭებიან ურთიერთობებს და მზად არიან, ისეთ ადამიანთან იკონტაქტონ, რომელიც მათ არ მოსწონთ, მხოლოდ იმიტომ, რომ მარტო არ დარჩნენ. სასოწარკვეთილების მაგივრად, მოქმედებაა საჭირო. თუ თქვენ თავს ყოველთვის ეტყვით, რომ ძალიან მომხიბვლელი, მიმზიდველი, ერუდირებული ხართ და სიყვარულისთვის ხართ გაჩენილი, ყველაფერი ძალიან კარგად იქნება. გააკეთეთ დღიური და მასში ჩაწერეთ თქვენი შეგრძნებები, შთაბეჭდილებები მამაკაცებზე, თქვენს შესახებ... ბრიჯიტ ჯონსივით... გამოდევნეთ ნეგატივი და რაც შეიძლება, კარგი აზრები დაიტოვეთ... შემდეგ გადაიკითხეთ და აღმოაჩენთ, რომ ყველაფერი არც ისე ცუდად არის. საკუთარ თავზე ყოველდღიურად უნდა იმუშაოთ. ხშირად იკითხეთ ის გვერდი, სადაც ყველაზე მეტი დადებითი ემოცია გამოხატეთ.

ჩემი მტრები მამაკაცები კი არა, ლამაზი ქალები არიან!
ხშირ შემთხვევაში ქალებს მოსწონთ მამაკაცები, რომლებიც უპასუხოდ ტოვებენ ქალის გრძნობას, ან დღეში ასჯერ უტყდებიან სიყვარულში, თბილ სიტყვებს ეუბნებიან, მერე კი საუკეთესო მეგობართანაც კი შეუძლიათ უღალატონ. ისინი კი მზად არიან, აპატიონ და ყველაფერი იმ ქალს გადააბრალონ, რომელთანაც ის სასიამოვნო დროს ატარებს. მამაკაცების უმეტესობა ასეთია, თუმცა ყველას ერთ ქვაბში ნუ მოხარშავთ. არსებობენ გულწრფელებიც და სანდონიც. იფიქრეთ იმაზე, რომ სწორედ ასეთს შეხვდებით და მხოლოდ იმიტომ, რომ მარტოობას გაექცეთ, რომ მამაკაცმა თბილი სიტყვები გითხრათ, თავს ნუ მოიტყუებთ, ნუ მიენდობით და ყველაფერს ნუ დაუჯერებთ. მამაკაცებს, რომლებიც ერთი შეხედვით მომაბეზრებლები და მოსაწყენები ჩანან, ბევრი სიგიჟის ჩადენა შეუძლიათ საყვარელი ქალისთვის. მთავარია, მისცეთ საშუალება, რომ საკუთარი თავი გამოავლინოს.

არ წაართვათ მამაკაცს თავისუფლება
გაითავისეთ, რომ სიყვარული მიზეზი არ არის, მიზეზი იმისა, რომ საყვარელმა ადამიანმა ყველაფერზე უარი თქვას - მეგობრებზე, ჰობიზე, მაგალითად, სათევზაოდ წასვლაზე, მეგობრებთან ერთად ფეხბურთის ყურებაზე. ხშირად ქალები ფიქრობენ, რომ თუ ის მასთან ამ ყველაფერს არ მოიშლის, არ უყვარს მამაკაცს. ნუ შეზღუდავთ, ის ყოველთვის ეცდება, რომ თავისუფლება დაიბრუნოს და თავი დააღწიოს ამ სიტუაციას. თქვენ კი ისევ მარტო რჩებით, იმიტომ კი არა, რომ ეს ბედისწერა იყო, არამედ თქვენი მცდარი საქციელის გამო. რაც უფრო მრავალფეროვანია წყვილის ცხოვრება, მით მყარია მათი ურთიერთობა.

არ დახარჯოთ საკუთარი ენერგია სხვა მამაკაცზე
თუ შეამჩნიეთ, რომ სხვა მამაკაცზე ფიქრობთ და გაორებული ხართ, აუცილებლად უნდა ჩამოყალიბდეთ. როცა მარტოხელა ქალის ცხოვრებაში რამდენიმე თაყვანისმცემელი ერთად ჩნდება, ყველაფერი ირევა და ხშირ შემთხვევაში უარყოფითი შედეგით მთავრდება მრავალფეროვანი "ვოიაჟი". ასე თქვენს რეალურ ურთიერთობას შეუქმნით საფრთხეს, რადგან საყვარელ ადამიანს იმდენ ყურადღებას ვერ დაუთმობთ და ვერც ძველებურად გულწრფელი იქნებით. ურთიერთობის ტყუილზე აგება მოგიწევთ, რასაც აუცილებლად ცუდი შედეგი ექნება. ამიტომ ორი კურდღლის დევნას ნუ დაიწყებთ და ნუ ეცდებით, რომ ასე გაიმრავალფეროვნოთ ცხოვრება. თქვენზეა დამოკიდებული, დარჩებით თუ არა ისევ მარტო.

ისწავლეთ კომპრომისზე წასვლა
ისწავლეთ მისი მოსმენა. ნუ შეეჯიბრებით. შეეჩვიეთ იმას, რომ ყოველთვის მართალი ვერ იქნებით. თუ აქამდე თქვენი სურვილისამებრ ცხოვრობდით, ახლა დათმობაზეც მოგიწევთ წასვლა. ურთიერთობაში ყველაფერი ორმხრივი უნდა იყოს. ნუ შექმნით პრობლემას იმისგან, რომ მაგალითად, ის თქვენზე უკეთესად ცეკვავს, ნუ შეეჯიბრებით. სამაგიეროდ, თქვენ უკეთ ამზადებთ, ალაგებთ, წერთ... კომპრომისი კარგი საშუალებაა იდეალური ურთიერთობისთვის


წყარო: cacao.cp.ge
































ტექსტის სანახავად გაიარეთ რეგისტრაცია.