ბანანის სიკეთე და მავნებლობა



დიდი ხანია ბანანი ჩვენთვის უცხო ხილი აღარ არის და საკმაოდ ხელმისაწვდომიცაა, ამიტომ საინტერესოა, რა სარგებლობა მოაქვს მას. თუმცა ბანანის „მოწინააღმდეგეები“ ირწმუნებიან, რომ ის მავნეა, მისი კანი ტოქსინებს შეიცავს და ის უარყოფითად მოქმედებს ერექციაზე. რას ფიქრობენ ამაზე

ბანანის მომხრეები

გავრცელებული ხმების მიუხედავადქ მედიკოსები ირწმუნებიან, რომ ბანანი სასარგებლო ხილია. ის ჰიპოალერგენია, რაც ნიშნავს, რომ მისი ჭამა ჩვილი ბავშვებისთვისაც კი შეიძლება. უფროსებს კი მისით დანაყრება შეუძლიათ, თანაც მისი ჭამა ნებისმიერ სიტუაციაში შეიძლება, ხელების დაბანაც არ დაგჭირდებათ. ბანანს კანი ისე ეცლება, რომ რბილობის ხელით შეხება საჭირო არც არის. ის უამრავ სასარგებლო ნივთიერებას შეიცავს, რომლებიც დადებითად მოქმედებენ ადამიანის ორგანიზმზე.

რით არის სასარგებლო

ბანანში შემავალი ნივთიერებები მხნეობისა და კარგი ფიზიკური ფორმის შენარჩუნების საშუალებას იძლევა. მიუხედავად იმისა, რომ ის მომჟაო გემოსი არ არის, მასში უხვადაა ჩ ვიტამინი, რომელიც ამაგრებს სისხლძარღვების კედლებს, ამაღლებს იმუნიტეტს და ებრძვის სხვადასხვა დაავადებას. ბანანში ასევე ბევრია კაროტინი, განსაკუთრებული ფორმის A ვიტამინი, ასევე ვიტამინი E, რომელიც პასუხისმგებელია სექსუალურ აქტივობასა და პოტენციაზე, კანს სიგლუვეს ანიჭებს, თმას კი აბრეშუმივით ნაზს ხდის. დღეში ორი ბანანი ყველა ამ ვიტამინის დღიური ნორმით უზრუნველგყოფთ და დიდხანს შეგინარჩუნებთ ახალგაზრდობასა და სილამაზეს.

ბანანი განსაკუთრებით სასარგებლოა ქალბატონებისთვის კრიტიკული დღეების, ორსულობისა და მშობიარობის შემდგომ პერიოდში. ბანანში ბევრია B ჯგუფის ვიტამინი, რომლებიც დადებითად მოქმედებენ ნერვულ სისტემაზე, აწესრიგებენ ძილს, ამაგრებენ თმასა და ფრჩხილებს, ხელს უშლიან კანის გამოშრობას და მუწუკების წარმოქმნას.

ბანანში შემავალი კალიუმი, კალციუმი და მაგნიუმი კი დადებითად მოქმედებენ ძვლოვან სტრუქტურასა და გულის კუნთის მუშაობაზე. B6 ვიტამინი კი ტვინში სეროტონინის - ბედნიერების ჰორმონის გამომუშავებას ასტიმულირებს, რაც მთელი დღის განმავლობაში ენერგიის შენარჩუნებას უწყობს ხელს. კალიუმის წყალობით კი ბანანი ხსნის კუნთების დაძაბულობასა და დაღლილობის შეგრძნებას, აქვეითებს ორგანიზმში ზედმეტი სითხის დონეს, აუმჯობესებს სახის კანის ფერს, აქრობს კანის სიმშრალესა და აქერცვლას. გარდა ამისა, ბანანი ჰიპერტონიკებს წნევის ნორმალური დონის შენარჩუნებაში ეხმარება. ბანანი სასარგებლოა საჭმლის მონელების ქრონიკული პრობლემების მქონე ადამიანებისთვის. სხვა ხილისგან განსხვავებით ბანანის ჭამა დაავადების გამწვავების პერიოდშიც შეიძლება.

რით არის მავნე?

უამრავი დადებითი თვისების მიუხედავად, ბანანი შეიძლება მავნე იყოს იმ ადამიანებისთვის, რომლებიც აქტიურ ცხოვრების წესს არ მისდევენ, ბანანს კუჭი ძალიან ნელა ინელებს. ჭამის წინ ბანანის მირთმევამ შეიძლება მუცლის შებერილობა და უსიამოვნო შეგრძნებები გამოიწვიოს, ამიტომ ნუ შეჭამთ ბანანს უზმოზე და ნუ დააყოლებთ წყალს ან წვენს. უმჯობესია, ბანანი ჭამიდან ერთი საათის შემდეგ მიირთვათ.

ბანანი არ არის რეკომენდებული ინფარქტისა და ინსულტის შემთხვევებში, ასევე, ქალბატონებისთვის, რომლებსაც თრომბოფლებიტი ან ვარიკოზი აწუხებთ. მას სისხლის შედედების უნარი აქვს, რაც ამაღლებს ვენებისა და არტერიის თრომბოზის რისკს.

სხვათა შორის, ზემონახსენები პრობლემები ერექციასთან დაკავშირებით მთლად მითი არ არის. სისხლის შედედებისას ნელდება სისხლძარღვებში მისი გადინება, რამაც, რა თქმა უნდა, შეიძლება პრობლემები გამოიწვიოს.

გაითვალისწინეთ, ბანანმა ცუდი ტრანსპორტირებისა და შენახვის პირობებში, ასევე, თუ ის მკვახედაა მოკრეფილი, შეიძლება ყველა სასარგებლო თვისება დაკარგოს


წყარო: etanews.ge
































ტექსტის სანახავად გაიარეთ რეგისტრაცია.