გინდათ ცრურწმენა დაარქვით და გინდათ ბებიების რჩევები, მაგრამ სიმართლის მარცვალი მართლაც არსებობს ზოგიერთ აკრძალვასა თუ რჩევაში.
გთავაზობთ რამდენიმე ცრურწმენას მათი დაცვა ან არ დაცვა კი თქვენს ნებაზეა.
რატომ არ შეიძლება საათის ჩუქება
ეს ცრურწმენა ჩინეთში წარმოიშვა, სადაც მიაჩნიათ რომ საათის ჩუქება დაკრძავაზე დაპატიჟებას ნიშნავს. საათი, ანუ დროის მაჩვენებელი შეიძლება სიკვდილის ათვლის წერტილად იქცეს ან მეგობრები დააშოროს ერთმანეთს. თუ საჩუქრად საათი მიიღეთ და მჩუქებელმა ამ ცრურწმენის შესახებ არ იცის, სანაცვლოდ მას ხურდა ფული აჩუქეთ. ამგვარად, თქვენ საათი კი არ გაჩუქეს, არამედ შეიძინეთ იგი.
40 წლის იუბილის აღნიშვნა არ შეიძლება
წინაპრებისგან ვიცით, რომ 40 წლის იუბილის აღნიშვნის არ შეიძლება, განსაკუთრებით მამაკაცებისთვის. 40 სიკვდილთან ასოცირდება. ციფრი 40 ყველა რელიგიაში ფატალურად ითვლება. თანაც, ჩვენ გარდაცვლილისთვის მე-40 დღის აღნიშვნა ვიცით. ამიტომ, მიჩნეულია, რომ ვინც იუბილის 40 წლისთავს აღნიშნავს, იგი პატივს არ სცემს გარდაცვლილებს და საკუთარ თავს უბედურებებისთვის სწირავს.
მზის ჩასვლის შემდეგ ნაგვის გატანა არ შეიძლება
ესეც საუკუნეების წინ ჩამოყალიბებული მოსაზრებაა. პატიოსანმა ადამიანმა რატომ არ უნდა გადაყაროს ნაგავი მზის შუქზე, რატომ უნდა დაელოდოს მის ჩასვლას. რისი დამალვა უნდა ამით?!. მეზობლების თვალს ხომ არაფერი გამოეპარება?!
მეორე მოსაზრება კეთილ და ბოროტ სულებს უკავშირდება. თუ გსურთ, სახლში კეთილი სულები შემოვიდნენ, მათ დასახვედრად ყოველივე უწმინდური, ამ შემთხვევაში ნაგავი მზის ჩასვლამდე უნდა გაიტანოთ. ვინც ვერ მოასწრო, დააგვიანა და ნაგვის გატანას უკვე აზრი აღარ აქვს.
ფოტოების დახევა არ შეიძლება
ახლა ფოტოებს იშვიათად ბეჭდავენ, მაგრამ მაინც გაითვალისწინეთ, რომ ფოტოების დახევა ავადმყოფობასა და უბედურებას მოასწავებს. რატომ? ძველად მიაჩნათ, რომ ფოტოში ადამიანის აურა იყო დაფიქსირებულ, ფოტოს დახევით კი ირღვეოდა აურაც და ადამიანს შეიძლებოდა რაღაც უბედურება დამართნოდა. ფოტოს დაწვა ამ შემთხვევაში უპრიანია, აურა არ ზიანდება.
სახლში სტვენა არ შეიძლება
არ გაგიგონიათ? - ნუ უსტვენ, ბარაქას გაფლანგავ. ჩვეულებრივი ადამიანებისთვის სტვენა სიმყუდროვის დარღვევად მიიჩნევა. თანამედროვე კულტურაში სტვენა ცუდ ტონად ითვლება. ძველად მიაჩნდათ, რომ სტვენით ადამიანმა თავს შეიძლება რაღაც უბედურება დამართოს. თუმცა, თუ ადამიანი მთელი დღე უსტვენს და არაფერს აკეთებს არც ფული ექნება. ამიტომ, სტვენას შრომა ჯობია და ეს ცრურწმენაც შეიძლება ამიტომ გაჩნდა.
წყარო: presa.ge
რატომ არ შეიძლება სახლში სტვენა და ფოტოების დახევა? ცრურწმენა, რომლისაც სწამთ
⏱️ 1 წთ.
👁️ 5 888
100%