რჩევა #1: დიეტის დასრულების შემდეგ რამდენი დღის განმავლობაში შეეცადეთ არ მიიღოთ “მძიმე” საკვები (ცომეული, შემწვარი და ცხიმიანი).
რამდენიმე თვის წინ ვიყავი 1 კვირიან დიეტაზე. ვჭამდი: შავ პურს, მოხარშულ ქათამს, წვნიანს და კიდევ რაღაცას (whatever). ერთი კვირა პატიოსნად ვიცავდი და კმაყოფილიც დავდიოდი. მაგრამ გავიდა ერთი კვირა, შედეგი – ნოლი!!! საერთოდ არ გამხდარვარ. მომეშალა ნერვები და კარგადაც ვიქეიფე: ხაჭაპური, ხინკალი და ა.შ. ეჰ… მეორე დღეს ვკვდებოდი. ცხოვრებაში არ შევუწუხებივარ კუჭს, და შემდეგი ორი დღის განმავლობაში კუჭი მლანძღავდა და მაგინებდა უკანაკსნელი სიტყვებით. რატომ? იმიტომ, რომ ერთი კვირის განმავლობაში კუჭი მიეჩვია ნორმალურ და „მსუბუქ“ საჭმელს და “მძიმე საჭმელმა” გააღიზიანა იგი. შესაბამისად, საკუთარი მაგალითიდან გამომდინარე, გირჩევთ – დიეტის დასრულების შემდეგ არ მიეძალოთ საჭმელს .
რჩევა #2. ნუ ელოდებით სწრაფ გახდომას.
წინა რჩევიდან გამომდინარე იბადება კითხვა: რატომ ვერ გავხდი ერთი კვირის განმავლობაში? სასწაული შემდეგ კვირას მოხდა. დიეტის დასრულების შემდეგ ჩვეულებრივად ვიკვებებოდი, მაგრამ დავიწყე გახდომა, თან საგრძნობლად. მიზეზი: დიეტის დროს კუჭი მიეჩვია საჭმლის მცირე პორციებად მიღებას და დაპატარავდა. შემდეგ კვირას, ძალაუნებურად, ვაგრძელებდი იგივე, მცირე რაოდენობით, საკვების მიღებას და ცხიმის უჯრედებმა უკვე “ერთმანეთის ჭამა დაიწყეს”
რჩევა #3: არასოდეს დაიცვათ 2–3 დღიანი დიეტა.
წინა რჩევებიდან გამომდინარე ადვილია დასკვნის გამოტანა, რომ 2–3 დღიანად დიეტას არანაირი შედეგი არ მოაქვს. ვაღიარებ, შესაძლებელი მაქსიმუმ 2 კილოს დაკლება, მაგრამ შემდეგ ასევე სწრაფად ისევ აღადგენთ დაკარგულ წონას.
რჩევა #4: დიეტის დროს ნუ შიმშილობთ.
დიეტა, რომლის დროსაც საკვების მიღების შემდეგ მაინც გშიათ – არაეფექტურია. დიეტა უნდა გეხმარებოდეთ ორგანიზმის მოწესრიგებაში, რაც ნერვულ სისტემასაც ეხება. დიეტა, რომლის დროსაც სულ გშიათ, მოქმედებს თქვენს ფსიქიკაზე: ყველგან გელანდებათ საჭმელი, ხდებით უფრო გაღიზიანებული, ნერვიული და “სწერვული”.
რჩევა #5: დიეტის დაცვისას ყოველ დღე დადექით სარკესთან და თქვენ თავს რამე კომპლიმენტი უთხარით: რა კარგად გამოიყურები, აი როგორ გახდი, როგორ გიხდება ეს შარვალი. შეეცადეთ თქვენ თავში დადებითი მხარე იპოვოთ და არა „ეუფ, რა ძროხა ვარ , რა მეშველება“.
რჩევა #6: დიეტის დროს სახლიდან მოაშორეთ სასწორი და სანტიმეტრი. ნერვებს დაგიწყვიტავთ!
რჩევა #7: თუ +20 კილოგრამი ზედმეტი წონა გაწუხებთ, არ გირჩევთ ჩვეულებრივი დიეტების დაცვას. თქვენ შეგიძლიათ დაიწყოთ: ვარჯიში, დილაობით სირბილი, ან ტრენაჟორები, ან ცეკვაზე სიარული, ან უბრალოდ ბევრი სერინობა, ან იოგა ( :) ). მაგრამ საუკეთესო არჩევანია – მიმართოთ დიეტოლოგს, ვინაიდან უბრალო ზედმეტი წონის გარდა, შესაძლებელია, თქვენ ნივთიერებათა ცვლაც გქონდეთ დარღვეული, რაც უკვე საკმაოდ სერიოზული პრობლემაა.
რჩევა#8: ყველა გვირჩევს, თუ გინდათ გახდომა – ნუ ჭამთ საღამოს 6 საათის შემდეგ. ვინც საღამოს 6–მდე მუშაობს და ვერ ახერხებს დღის განმავლობაში ნორმალურ კვებას, როგორ უნდა გააგებინო და შეაგნებინო, რომ სახლშიც (გახდომისათვის) არ უნდა ჭამოს?! ჩემი რჩევაა: უბრალოდ შეეცადეთ დაძინებამდე მინიმუმ 3 საათით ადრე ჭამოთ.
რჩევა #9: დიეტის დასრულების შემდეგ, კვირაში ერთელ მაინც მოიწყეთ “განტვირთვის დღე” და ჭამეთ “მსუბუქი და სასარგებლო” საჭმელი.
რჩევა #10: დიეტაზე არ ზიან!!!! დიეტას იცავენ!!!!
ყველამ ვიცით, რომ „Fast Food”–ი ძალიან მავნებელია ჯანმრთელობისათვის და ასუქებს და სპობს ორგანიზმს, მაგრამ თქვენ ოდესმე გიფიქრიათ იმაზე, თუ რამდენ კალორიას შეიცავს ერთი ხინკალი (ცომი+ხორცი+ცხიმიანი წვენი) ? დამიჯერეთ, „Fast Food”–ი ერთ ხინკალთან შედარებით, ნამდვილად ნამკლებად მანვენებლია…
წყარო: life.mediamall.ge
დიეტის სწორი დაცვა
⏱️ 1 წთ.
👁️ 2 684
100%