ჩიფსები
კარტოფილი, ზოგადად დიდი სარგებლიანობით არც გამოირჩევა. იგი უხვი რაოდენობით შეიცავს სახამებელს. ჩიფსებში, კი არაფერია სასარგებლო და ნატურალური. სამაგიეროდ უხვადაა: კანცეროგენები, არომატიზატორები, გემოს გამაძლიერებლები და რა თქმა უნდა ზეთი (ღმერთმა უწყის რამდენგზის მოხმარებული!). ჩიფსების რეგულარულ გამოყენება ონკო–დაავადებებს და წონის მატების სერიოზულ პრობლემებს იწვევს.
გაზირებული სასმელები
იცით თუ არა, რომ წყალში გახსნილი და დამტკბარი გუაში იმდენად მავნებელი არაა, როგორც შეფერილი გაზირებული სასმელები? ითვლება, რომ ფასთ–ფუდი მიღებულია – გაზირებულ სასმელებთან ერთად, თუმცა ეს მხოლოდ ეშმაკური მარკეტინგული სვლაა. სინამდვილეში გაზირებული წყლები ნაყროვანების შეგრძნებას ახშობს და მათი მიღების შემდგომ ადამიანს ისევ ეღძვრება სურვილი კიდევ ერთი ჰამბურგერის დაგემოვნებისა. აქვე გეტყვით, რომ ე.წ. კოკა–კოლა „ლაითი“ არაფრითაა ჩვეულებრივ კოკა–კოლაზე უკეთესი. მასში უხვადაა შაქრის შემცვლელი კომპონენტი, რომელიც შაქარზე უფრო მავნეა. . ფასთ–ფუდი. სისწრაფისა და ფასის გარდა, ფასთ–ფუდს დადებითი არაფერი გააჩნია. შიმშილის სწრაფ და უსაფრთხო დასაკმაყოფილებლად, კი სრულიად შესაძლებელია ბუტერბროდის შინ მომზადება, რომლის კომპონენტებადაც თავადვე შეგიძლიათ გამოიყენოთ შაშხი, ყველი და ბოსტნეული. .
მაიონეზი
ამ შემთხვევაში საუბარია მაღაზიის მაიონეზზე. თუ თქვენ მის მოხმარებას შეწყვეტთ, თავად დარწმუნდებით, თუ როგორ აისახება ეს თქვენს წონასა და ფორმებზე. იგივე შეიძლება ითქვას კეტჩუპებსა და სხვა სოუსებზე, რომლებიც გემოს გამაძლიერებლებს, არომატიზატორებს, ცხიმებსა და სხვა იმ კომპონენტებს შეიცავენ, რომელთა შემადგენლობაშიც ნატურალური არაფერია. ეს ყოველივე, კი შეგიძლიათ ჩაანაცვლოთ ნაკლებცხიმიანი არაჟნით, რომელიც გაცილებით გემრიელი და უსაფრთხოა. მარილი და შაქარი. მარილიცა და შაქარიც სხვაგვარად „თეთრ სიკვდილად“ მოიხსენიება. მარილი აფერხებს ორგანიზმიდან სითხის გამოდევნის პროცესებს. შაქარი, კი პირველი მტერია ყველა იმ ადამიანისათვის, ვისაც გახდომა სურს. თუმცა, თუ თქვენთვის ძნელია ამ პროდუქტებზე საერთოდ უარის თქმა, მაშინ თავდაპირველად იმას მაინც ეცადეთ, რომ შეზღუდოთ ისინი. მაგალითად, არ დაამლაშოთ კერძი, ხოლო იმგვარ პროდუქტებს, როგორიცა კიტრი, პომიდორი, მოხარშული ხორცი და ა.შ. მარილი არ მოაყაროთ. რაც შეეხება შაქარს, იგი შეგიძლიათ თაფლით ჩაანაცვლოთ. .
ალკოჰოლი
ალკოჰოლის მავნებლობაზე ალბათ ყველა ჩვენგანს გვსმენია. მისი სტაბილური მოხმარება – ალკოჰოლიზმის სტატუსით ფასდება. წარმოიდგინეთ, რომ თუ კვირაში ერთხელ, სტაბილურად ეტანებით ალკოჰოლს, ან დღესასწაულების ფხიზლად გატარება არ შეგიძლიათ, ესეც კი ალკოჰოლიზმს მიეწერება. ალკოჰოლზე უარის თქმის დასაწყის ეტაპად უწინარესად ის გამოგადგებათ, რომ იაფფასიან ალკოჰოლზე თქვათ უარი, ხოლო მომდევნო ეტაპზე, კი არამსმელი კომპანიის მოძიება მოგიწევთ. .
ძეხვეული და შებოლილი პროდუქტები
ალბათ ვერასდროს შეძლებთ გამოიცნოთ, თუ როდის ან რით მზადდება ძეხვეული და მისთანები. ხორცის დამარილება და შებოლვა იმისკენაა მიმართული, რომ პროდუქტი დიდხანს შეინახოს. რაღა თქმა უნდა დროთა განმავლობაში პროდუქტის მარგებლიანობა იკარგება, ხოლო ბუნებრივი ხრწნის პროცესი, კი კვლავაც პროგრესირებს, რასაც მომხმარებელი მასში გამოყენებული უხვი არომატიზატორებისა და გემოს გამაძლიერებლების ფონზე ვერ ამჩნევს .
ტკბილეული
ტკბილეულთაგან ყველაზე მავნე პროდუქტად, შესაძლოა დასახელდეს, მარმელადი, საწუწნი და საღეჭი კანფეტები. სინამდვილეში ისინი ტორტის ნაჭერზე უფრო მავნე ზემოქმედებით აისახება თქვენს ორგანიზმზე, რამდენადაც მათში უხვადაა ფერის მისაცემი საღებავები და არომატიზატორები. თუ რაიმე ტკბილის დაგემოვნება გსურთ, მიირთვით თაფლი, ხილის ჩირი, ან მწარე შოკოლადი.
წყარო: life.mediamall.ge
ფაქტები ყველაზე მავნე საკვები პროდუქტების შესახებ
⏱️ 1 წთ.
👁️ 1 444
100%