ერთად მოამზადეთ კერძები
არ არსებობს ერთობლივი კულინარული შედევრის შექმნაზე რომანტიკული რამ. შეიარეთ მაღაზიაში, იყიდეთ ყველაფერი, რაც საჭიროა და წინ, სამზარეულოსკენ! დახელოვნებული კულინარი არ ხარ? მწვანილი დაჭერი, სანამ იგი სპაგეტის ხარშავს. ერთად გააკეთეთ სოუსი. გახსენით ღვინის ბოთლი და აუჩქარებლად მოამზადეთ ვახშამი.
გაანებივრეთ ერთმანეთი
წადით სპა-სალონში დღის გასატარებლად. ერთად ჩაიტარეთ მომადუნებელი პროცედურები და მასაჟი. ორივე უფრო ცინცხლად და დასვენებულად იგრძნობთ თავს.
ერთად გაირბინეთ მარათონი
ფორმაში არ ხართ? დაიწყეთ მოკლე გარბენებით და თანდათან გაზარდეთ მაჩვენებელი 5-კილომეტრიან დისტანციამდე. უმოკლეს ვადაში მარათონისთვისაც იქნებით მზად.
ერთად იკითხეთ
იპოვეთ წიგნი, რომელიც ორივეს დაგაინტერესებთ და მონაცვლეობით ხმამაღლა წაუკითხეთ ერთმანეთს. განიხილეთ წიგნი, მას მერე, რაც დაასრულებთ.
სალაშქროდ წადით
მოაწყვეთ პატარა მოგზაურობა ქალაქგარეთ, ბუნებაში. გაიარეთ დიდი მანძილი მოტოციკლით ან ფეხით, გზად იშვიათი პეპლები ან ფრინველები მოძებნეთ.
ერთად ააშენეთ რამე
ხანგრძლივი პროექტი თქვენს ურთიერთობაში ენერგიის შენახვის საუკეთსო გზაა. იპვეთ წიგნის თაროს ან ავეჯის სხვა ნაწილის შესაქმნელი ნახაზი. შეაგროვეთ და შეღებეთ იგი ერთად. იგი იქცევა საერთო წარსულის ნაწილად, რომელიც დიდხანს გაგახსენებთ თქვენს ურთიერთობას.
გაიხსენეთ წარსული
წაიყვანე შეყვარებული თავის მშობლიურ ქალაქში ან — ნებისმიერ სხვა, განსაკუთრებულ ადგილას, რომელიც მის წარსულს უკავშირდება. ესტუმრეთ სახლს, რომელშიც გაიზრდა; სკოლას — სადაც დადიოდა; მის საყვარელ კლუბს. მერე იგივე გაიმეორეთ და შენი წარსულის მოსაგონი ადგილები დაათვალიერეთ.
ერთად იარეთ მაღაზიებში
თუ საყიდლებზე ერთად ივლით, შეგეძლება გაიგო, რა მოსწონს, რაც ცხოვრებას შეგიმსუბუქებს, საჩუქრის ჩუქების დრო რომ მოვა.
მოაწყვეთ პიკნიკი
გააკვირვე და პარკში, ბალახზე, მოუწყვე სადილობა. წაიღეთ ბუტერბროდები, ხილი, ყველი და შესაფერის ადგილას გაშალეთ საბანი. საკვების მიღების შემდეგ, შეგიძლიათ ჰაერში ფრანი გაუშვათ.
გაიარეთ ზოოპარკში
საჭირო არ არის, ბავშვი გყავდეთ, რომ ზოოპარკში წასვლა გაამართლოთ. დატკბით უნიკალური, ეგზოტიკური ცხოველების მონახულებით. თუ დიდი ხანია, ზოოპარკში არ ყოფილხარ, ალბათ დაგავიწყდებოდა, ეს როგორი სახალისოა.
ერთად დაკავდით სპორტით
ჩაეწერეთ სატრენაჟორო დარბაზში. ორივე კარგ ფორმაში იქნებით, ერთობლივი ვარჯიში კი მოტივაციას აამაღლებს.
გაუზიარეთ ერთმანეთს ცოდნა
აჩვენე, როგორ მოიხმაროს ახალი კომპიუტერული პროგრამა, მისგან კი ციგურებით სრიალი შეისწავლე.
წადით ბოულინგის, ბილიარდის, ჩოგბურთის სათამაშოდ
თუ ბოულინგის ან ბილიარდის თავგადაკლული მოთამაშე ხარ, მალე გაკვირვებული აღმოაჩენ, რომ ღირსეული მეტოქე გამოგიჩნდა. თუ ჩოგბურთი ხელს არ გაძლევთ, პინგ-პონგი სცადეთ.
ჩაეწერეთ კურსებზე
ბევრი სასწავლო დაწესებულება გვთავაზობს პროგრამებს ზრდასრულებისთვის. თქვენთვის ეს ერთად რამის სწავლის უნიკალური შესაძლებლობაა.
მოაწყვეთ დელტაპლანით ფრენა
ყოველთვის, უყურებდით ამ გიჟებს და ნანობდით, რომ ერთ-ერთი მათგანი არ იყავით, მაშ მოვიდა დრო, რომ თქვენც გამოგეცალოთ ფეხქვეშ ნიადაგი.
ისეირნეთ ნავით, თხილამურებით ანდა ცხენებით
დაიქირავეთ ნავი და შეყვარებულთან ერთად შეაცურეთ მშვიდ ტალღებში. თუ არასდროს მჯდარხართ უნაგირზე, ერთად იარეთ ცხენოსნობის გაკვეთილებზე.
დატკბით ადგილობრივი კულტურით
გაისერინეთ მუზეუმში, სურათების გალერეაში, ადგილობრივი ისტორიული ძეგლების სანახავად. ერთად შეისწავლეთ თქვენი რაიონი.
დაბოლოს,
გაიარეთ პროფესიონალურ ფოტოსტუდიაში და ერთობლივი პორტრეტი გადაიღეთ
ეს სამუდამოდ აღბეჭდავს თქვენი ბედნიერების წამს და მომავალში, როდესაც, საქორწილო მოსაწვევებისთვის საკუთარი ფოტო დაგჭირდებათ, ცხოვრებას გაგიმარტივებთ.
წყარო: Life.mediamall.ge
როგორ გავატაროთ დრო შეყვარებულთან ერთად?
⏱️ 1 წთ.
👁️ 2 336
100%