ამერიკელმა მწერალმა დოროთი ბრანდმა თავის წიგნში „გაიღვიძე და იცხოვრე“ ტვინის რამდენიმე სახალისო ვარჯიში აღწერა, რომელიც თურმე გონებას აფხიზლებს და ტვინს მოქნილობას უბრუნებს. ეს ვარჯიშები იმისთვის არის, რომ ჩვეული გარემოდან გამოხვიდეთ და მეტად შემოქმედებითად იაზროვნოთ.
1. ერთი საათი დღეში ისე გაატარეთ, რომ თქვენთვის ჩვეულ გარემოცვაში არაფერი თქვათ. მხოლოდ პირდაპირ დასმულ შეკითხვებს უპასუხეთ, არც იმის განწყობა შექმნათ, რომ ნაწყენი ხართ ან უხასიათოდ. ჩვეულებრივ მოიქეცით, უბრალოდ, საუბარი თქვენ არ წამოიწყოთ და თუ უშუალოდ თქვენ არ მოგმართავენ, არც პოლემიკაში ჩაერთოთ.
2. დღეში 30 წუთი მხოლოდ ერთ რომელიმე საგანზე იფიქრეთ, მეტზე არაფერზე. შეგიძლიათ, 5 წუთით დაიწყოთ.
3. 15 წუთი დღეში ისე აწარმოეთ ურთიერთობა, რომ არ გამოიყენოთ სიტყვები `მე, ჩემი~.
4. ნებისმიერი ხალხით სავსე შენობის ზღურბლზე გაჩერდით და შეფიქრიანებულმა შეაფასეთ მისი ზომები.
5. ნება მიეცით თქვენს ახალ ნაცნობს, რომ მხოლოდ საკუთარ თავზე ილაპარაკოს, ოღონდ არ გააცნობიერებინოთ ეს.
6. ეცადეთ, მხოლოდ საკუთარ თავზე ისე ილაპარაკოთ, რომ არ იტრაბახოთ, არ იწუწუნოთ და თანამოსაუბრეც არ მოაწყინოთ.
7. დღეში ორი საათისთვის მაინც მკაცრი გეგმა შეადგინეთ, რომელსაც ზუსტად შეასრულებთ.
8. დაისახეთ შემთხვევითი ამოცანები, მაგალითად: იყოთ 10 საათი საკვების გარეშე; ისაუზმოთ სრულიად მოულოდნელ და შეუფერებელ ადგილას, რომელსაც კი იპოვით; არ ილაპარაკოთ მთელი დღე, შეკითხვებზე პასუხის გაცემის გარდა;
9. დღის განმავლობაში უპასუხეთ `დიახ~ ყველა შეკითხვასა და წინადადებას (გონივრულის ფარგლებში).
ეს ვარჯიშები შეიძლება, სულელურად და უსარგებლოდ გეჩვენოთ, მაგრამ გვარწმუნებენ, რომ ისინი ბევრ სიახლეს შემოიტანენ თქვენს ცხოვრებაში და საკუთარ თავსაც უკეთ გაიცნობთ.
წყარო: etanews.ge
ყველაზე უცნაური, მაგრამ სასარგებლო ვარჯიშები ტვინისთვის
⏱️ 1 წთ.
👁️ 5 556
100%