შეიძლება თუ არა დიეტის საშუალებით სახის ფერის გალამაზება? რა თქმა უნდა, შეიძლება! თუკი მავნე ჩვევებს გავისტუმრებთ და ჯანსაღ კვებაზე გადავალთ. მავნე თვისებებს რომ თამბაქოს, ალკოჰოლისა და ქრონიკული უძილობის “ვნებიანი სიყვარული” მიეკუთვნება, ყველამ იცის. ამ “სნეულებებთან” ბრძოლაზეც ბევრი დაწერილა და იწერება. ჩვენ ამჯერად კვებაზე ვჩერდებით:
ლამაზი კანის პროდუქტები
თევზი – შეიცავს კანის მკვებავ ზეთებსა და ცხიმებს.
სელის მარცვალი – ცხიმოვანი მჟავების შესანიშნავი წყარო.
სტაფილო, ახალი კარტოფილი, ბროკოლი, ისპანახი – შეიცავს კანისტვის უბრალოდ აუცილებელ А ვიტამინს.
თხილი და ნუში - ვიტამინი Е – ხელს უშლის კანის ბუნებრივ დაბერებას.
ასეთი პროდუქტებისგანაა შექმნილი საგანგებო დიეტა, რომელიც საშუალებას იძლევა, კანი ტონუსში მოიყვანო, გააჯანსაღო, ჯანსაღი ელფერი მისცე და სილამაზის სხივიც დაატყო. ეს დიეტა თევზის კერზებს სეიცავს სადილისა და ვახშმისთვის; თუ ასეთ დიეტას დაიცავთ, თქვენი კანი უფრო რბილი და ჯანსაღი გახდება.
ლამაზი კანის დიეტა
საუზმე:
ვარიანტი 1: - უცხიმო რძეზე დამზადებული ფაფა, რომელსაც დავამატებთ მოცხართან შერეულ 1 ს.კ. სელის მარცვალს; ფორთოხლის წვენი;
ვარიანტი 2: - დაბალკალორიული მიუსლი 1 ს.კ. სელის მარცვლითა და ჩირით, შერეული იოგურტთან; დასაშვებია ტომატის წვენი ლიმონით.
სადილი:
ვარიანტი 1: - დაკონსერვებული თინუსის მცირე ულუფა, შეზავებული მაიონეზით; ახალი ტომატი, ნიახური, სტაფილო, მწვანე წიწაკა, სალათის ფურცლები; შავი პურის ნატეხი ზეითუნის ზეთზე დამზადებული მარგარინით, 1 ჭიქა უცხიმო რძე;
ვარიანტი 2: კრევეტების სალათი გრეიფრუტით; ახალი სტაფილო, მშრალი ნამცხვარი (კრეკერი); 1 ჭიქა უცხიმო რძე; ვარიანტი 3: - სალათი "ცეზარი" ინდაურისგან; 1 ჭიქა უცხიმო რზე;
კრევეტების სალათი გრეიფრუტით: მობრაწეთ კრევეტების გასუფთავებული ხორცი, ყოველი მხრიდან 3 წუთი; გააგრილეთ. შეურიეთ ზეითუნის ზეთი (5 ს.კ.) ახალგაწურულ გრეიფრუტის წვენს (100 მლ.), დაამატეთ ნაზავში მარილი და პილპილი. ერთმანეთს შეურიეთ დაჭრილი ბოსტნეული: 50 გრ. დაიკონი, 2 პომიდორი, 1 გრეიფრუტი, 150 გრ. ბარდა, ხავარი სტაფილო, სალათის ფურცლები. შემდეგ დაუმატეთ მწვანილი და კრევეტების ხორცი. ამას მოვასხათ გრეიფრუტის ნაზავი და ლიმონის წვენი (6 ს.კ.).
სალათი "ცეზარი" ინდაურით: სალათის ფურცლები გახეხილ ყველს (4 ს.კ.), ნიორს (4 კბილი) 3 ს.კ. ძმარი ან მაიონეზი - გემოვნებით, ინდაურის წვრილად დაჭრილი ხორცი (150 გრ.) და ტომატი (2 ცალი), პილპილი (გემოვნებით) შეურიეთ ერთმნაეთს.
სამხარი
- ახალი ვაშლი, ფორთოხალი ან მანდარინი;
- სხვადასხვა სახის თხილი და ნიგოზი;
- იოგურტი ჟოლოთი, მაყვლით ან მარწყვით – მცირე ულუფა;
- რამდენიმე ახალი სტაფილო.
ვახშამი
ვარიანტი 1: - საქონლის ნაზი ხორცი დიჟონის სალათით (რეცეპტი იხ. ქვემოთ); კენკროვანთა ნაყოფი – სხვადასხვა; მწვანე ჩაი;
ვარიანტი 2: - ღორის ხორცი ტაფლით (რეცეპტი იხ. ქვემოთ); კარტოფილის პიურეს მცირე ულუფა; მოხარშული ბროკოლი ზეითუნის ზეთითა და ნივრით; იოგურტი კენკრით – მცირე ულუფა; მწვანე სალათი;
საქონლის ხორცი დიჟონის სალათით: შეურიეთ ერთმანეთს: ზეითუნის ზეთი (5 ს.კ.), მდოგვი (3 ს.კ.), ძმარი (3 ს.კ.), ნიორი (1 კბილი), რომ მიიღოთ კრემისებური მასა. ფართო ტაფაზე, გავაცხელოთ 1 ს.კ. ზეითუნის ზეთი; საქონლის ხორცის ნაჭრები (450 გრ, უცხიმო, მჭლე) შევწვათ 3-4 წთ. განმავლობაში, სანამ ვარდისფერს არ დაკარგავს. ბოლომდე არ შეწვათ. დაამატეთ 1 ჩ.კ. მარილი და იმდენივე პილპილი. ხორცს სალათის ფურცლები დავუმატოთ და მომზადებულ ნაზავი შევურიოთ.
ღორის ხორცი თაფლით: შეურიეთ ინგრედიენტები: 55 მლ. ლიმონის წვენი, 85 გრ. თაფლი, 2 ს.კ. სოიოს სოუსი, 1 ს.კ. წითელი ღვინო, 2 კბ. ნიორი; ღორის ხორცი ჩადეთ (4 ნაჭერი დაბეგვილი ხორცი) მარინადში, შედეთ საყინულეში 4 სთ-ით და გამოიღეთ; მარინადი შეათბეთ; ხორცი შეწვით (12-15 წთ.), გადააბრუნეთ, პერიოდულად მარინადი დაასხით.
წყარო: presa.ge
დიეტა, რომელიც სახის ფერს ალამაზებს
⏱️ 1 წთ.
👁️ 2 525
100%