... სპორტის საყვარელ სახეობაზე. არაგუნდურ სახეობათა სპორტსპენები (მორბენალები, მოცურავეები) თავიანთ დამოუკიდებლობას ზედმიწევნით იცავენ და დროსაც უმეტესწილად მარტოობაში ატარებენ. გუნდური თამაშების მოყვარულთ შეჯიბრი სათამაშო მოედანზეც უყვართ და ცხოვრებაშიც; ხოლო მათში, ვისაც სპორტი საერთოდ არ აინტერესებთ, დამოუკიდებელი აზროვნებისა და მგრძნობიარე ნატურის შეთავსებაა ბუნებრივი.
... ვისთან მეგობრობს. მამაკაცი, რომელიც რამდენიმე წლის მანძილზე ერთსა და იმავე ხალხთან მეგობრობს, სავსებით იმსახურებს ერთგულების ჯილდოს, მაგრამ ამავე დროს, შეიძლება, სიახლეების მოწინააღმდეგე იყოს და არც ცვლილებები უყვარდეს. ამასთან, მისი ნდობის მოსაპოვებლად საჭირო იქნება მოთმინება. და თუ თქვენი პოტენციური კავალერი განურჩევლად ყველას უმეგობრდება: კოლეგებს სამსახურში, ყოფილი თანაკურსელებს, შემთხვევით თანამგზავრებს და ა. შ., არსად იკარგება, ახალ სიტუაციაში ადვილად ახერხებს ადაპტირებას და ადამიანებსაც უპრობლემოდ უკავშირდება.
... იმას, როგორ იხდის ანგარიშს. მამაკაცი, რომელიც ყოველ წუთში საკრედიტო ბარათს იღებს ჯიბიდან – ამბიციურია და საკუთარ თავში დარწმუნებული. ეჭვგარეშეა, რომ რაღაც განსაზღვრული მიზნისკენ მიდის და ეს მიზანი კეთილდღეობას უკავშირდება – დარწმუნებული ბრძანდებოდეთ, რომ ამას აუცილებლად მიაღწევს. ნაღდი ფულით ურჩევნია გადახდა? ე. ი. კუთხეში ძნელად მოიმწყვდევთ. მისი საფულე ცარიელია? – თქვენ წინაშეა ადამიანი, რომელსაც ძალიან უყვარს და მიჩვეულია კიდეც, რომ მის მაგივრად პასუხს სხვა აგებს.
... როგორი ურთირთობა ურჩევნია. თუ თქვენი რჩეული ელექტრონული წერილებით ურთირთობას არჩევს, კერკეტი კაკალია. ის ფაქტი, რომ იმ საშუალებას ირჩევს, რომელიც სათქმელის რედაქტირებას ხდის შესაძლებელს, იმის მიმანიშნებელია, რომ საკუთარი თავის ბოლომდე ჩვენება არ სურს. ადამიანი, რომელიც მომენტალური შეწტყობინებებით ამყარებს კონტაქტს (სმს, IჩQ, სკყპე), გამუდმებით თქვენი ყურადღების ძიებაში იქნება - ყოველ წუთს სჭირდება იმის დასტური, რომ მასზე ფიქრობთ. სატელეფონო საუბრების ფანატი ცოტა ძველმოდურია, მოსწონს, როცა ყველაფერი ისეა, როგორც უნდა იყოს, და არც ინტიმურ საუბრებს ერიდება.
... ქალის სამოსის სტილზე, რომლის ნახვას საყვარელი ქალის ტანზე ისურვებდა. თუ ისურვებს, რომ თქვენს ტანზე ჯინსები და მაისური უფრო ხშირად ნახოს ხოლმე, ერთობ მიწიერ და აუჩქარებელ ტიპთან გაქვთ საქმე, გვერდითაც ასეთივე გოგონას ნახვა სურს. თუ მის ყურადღებას თავიდან ფეხებამდე ცნობილი დიზაინერების სამოსში გამოწყობილი ქალი იპყრობს, პირველ ადგილზე მისთვის პრესტიჟია და როგორც ჩანს, დიდი შემოსავალიც აქვს. თუმცა ფრთხილად იყავით, რადგან შეიძლება ფული მისი ერთადერთი ვნება აღმოჩნდეს. კარმენ ელექტრას სტილის გამაღმერთებელს კი ურთირთობებისგან საკუთარი “ეგოს” დაკმაყოფილება სურს.
... როგორ ატარებს მანქანას. თუ ხელებს იქნევს მოძრაობის სხვა მონაწილეთა მისამართით გარკვეული ჟესტიკულაციის თანხლებით, ქცევებში პრობლემები აქვს და აგრესიის დონეც – გაზრდილი. ასეთი ტიპის ქცევა აგრესიულ საოფისე გარემოში კარგია, მაგრამ ურთირთობებში არ ფასდება. და თუ ყველაზე რთულ საგზაო შემთხვევებსა და სირთულეებშიც კი გაუგონარ სიმშივდეს ინარჩუნებს, ნამდვილად სცოდნია, რა არის თვითკონტროლი.
... რამდენად მოწესრიგებულია. წესრიგი სხვადასხვანაირი არსებობს. მამაკაცი, რომელიც გამოყენებულ წინდებს გასარეცხი ნივთების კალათში დებს - სხვაა, და მამაკაცი, რომელიც გარეცხილ წინდებს უჯრაში ფერების მიხედვით ალაგებს - სულ სხვა. ზედმიწევნით აკურატული მამაკაცი ზედმეტად კარგად ერკვევა ყველაფერში იმისთვის, რომ მასთან მართლა მოილხინო. მამაკაცი, რომელიც ზოგადად მოწესრიგებულია, მაგრამ ხანდახან მაინც ვერაა სათანადო “სიმაღლეზე”, უფრო გახსნილია. თუმცა, თუკი მისი ბინის აბაზანის ნიჟარას სარეცხი საშუალება არასდროს “უნახავს”, ან ინფანტილურია, ან ძალიან ზარმაცი.
... ძმებზე. თუ თქვენი კავალერი – ოჯახში უფროსი ვაჟიშვილია, საკუთარ თავზე პასუხისმგებლობის აღებისთვის და საქციელისთვის პასუხსაგებად ყოველთვის მზადაა. უმცროსი ძმა უფრო შემოქმედებითი ტიპია და ცოტა ურჩიც. შუათანა ძმა მგრძნობიარეა და ბევრ ყურადღებას ითხოვს.
... როგორ გამოხატავს გრძნობებს სხვების თანდასწრებით. თუ საჯაროდ გეწებებათ, გრძნობებს ისეთი ცხარე ჩახუტებითა და კოცნით გამოხატავს, რომელთა ადგილი მარტო საძინებელშია, ალბათ სხვა მამაკაცებს აძლევს ნიშანს: “არ მიეკარო, ჩემიაო!” მსგავსი ქცევა უფრო იმის ნიშანი უნდა იყოს, რომ ადამიანი შინაგანად საკუთარ თავში არაა დარწმუნებული. თუმცა, მამაკაცი, რომელიც საზოგადოებრივი თავშეყრის დროს არც კი ცდილობს, სითბო გამოხატოს, ან თქვენს გრძნობებში არაა დარწმუნებული, ან საკუთარ ში. საქვეყნოდ გრძნობების გამოხატვა ერთგვარი განცხადებაა: "ჩვენ ერთად ვართ”. თუ რამე ეეჭვება, დისტანციას დაიცავს.
... გიყურებთ თუ არა თვალებში. მამაკაცი, რომელიც მხედველობით კონტაქტს ერიდება, შეიძლება ისეთი ადამიანი აღმოჩნდეს, რომელსაც არ უნდა ენდო. თუ საუბრის დროს პირდაპირ გჭამს თვალებით, შეიძლება თქვენს დაბნევას ცდილობდეს. ხოლო როცა თვალებში გიყურებს და მერე უხერხულად მზერას გვერდზე გადაიტანს, იმაზე უნდა მეტყველებდეს, რომ მოსწონხართ.
... როგორ საუბრობს. თუ აჩქარებულად საუბრობს, სოლიდური სიჩქარით, ენერგიულია და სპონტანური, თუმცა ცოტა შეყვარებულიცაა საკუთარ თავში. ის, ვისი საუბარიც მდგორე და აუჩქარებელია, მიწაზე მყარად დგომითა და საფუძვლიანობით გამოირჩევა. ასეთისგან პრინციპში, არანაირ სიურპრიზს არ უნდა ელოდე.
წყარო: eva.ge
როგორ უნდა მიხვდე ახალ ნაცნობზე უმთავრესს მხოლოდ 10 წუთში!
⏱️ 1 წთ.
👁️ 1 411
100%