ვაშლი ხილთა მეფედ არის აღიარებული. არის ასეთი გამოთქმა, დღეში ერთი ვაშლის მირთმევით ექიმებს უმუშევარს ტოვებთ. ეს ხილი ბევრი სასარგებლო თვისებით გამოირჩევა და უამრავ დაავადებას შველის. ის ნედლად უნდა მიირთვათ, კარგად გარეცხილი ქერქით. სასარგებლოა ვაშლის ჩირიც და მისგან დამზადებული კომპოტიც.
ვაშლი სიმსივნის საუკეთესო პროფილაქტიკაა, სასარგებლოა ქოლესტერინის მომატებული დონის დროს, სასარგებლოა გულისა და სისხლძარღვებისთვის, გიცავთ დიაბეტისგან. ხელს უწყობს წონის კლებას. ჭამიდან გარკვეული დროის შემდეგ მიღებული ვაშლი კარიესისგან გიცავთ. კარგი საშუალებაა თმის, ფრჩხილებისა და ნერვული სისტემის გასაძლიერებლად. ფლორიდის უნივერსიტეტში ჩატარებულმა გამოკვლევამ ცხადყო, რომ ვაშლის დიეტა ხელს უწყობს ზედმეტი წონის დაკლებას და მავნე ნივთიერებებისგან ორგანიზმის გათავისუფლებას, რაც საგრძნობლად ამცირებს გულის დაავადებების განვითარების რისკს. გამოკვლევამ აჩვენა, რომ ვაშლში შემავალი პექტინი და პოლიფენოლების ნაერთი, რომლებსაც მოცვი, ჩაი და მწარე შოკოლადიც შეიცავს, ასტიმულირებს სისხლში ცხიმების დაშლას და აქრობს სისხლძარღვთა კედლის ანთებას, რის შედეგადაც მცირდება სწორედ გულის დაავადებების განვითარების რისკი.
წყარო: Primetimenews.ge
რა დაავადებებს ებრძვის ვაშლი?
⏱️ 1 წთ.
👁️ 3 111
100%