როგორ გოგონებზე გიჟდებიან ბიჭები. და რა შუაშია ქვიშის საათი?..



ლამაზი ქალის ცქერა მამაკაცის ტვინში ბედნიერების ჰორმონის გამომუშავებას უწყობს ხელს, ასეთივე შედეგი აქვს სპირტიანი სასმლისა და ნარკოტიკის მიღებას, – დაასკვნეს ამერიკელმა სპეციალისტებმა, რომლებმაც გარკვეული რაოდენობის სექსუალურად აქტიური მამაკაცი გამოიკვლიეს.

აღმოჩნდა, რომ მამაკაცის ტვინი ისევე რეაგირებს ''ქვიშის საათის'' სხეულის მქონე ქალბატონებზე, როგორც ალკოჰოლის ან ნარკოტიკის მიღებაზე. დიდი მკერდი, ფართო თეძოები და ვიწრო წელი - ამგვარი გარეგნობის დანახვაზე მამაკაცის ორგანიზმში დიდი რაოდენობით გამოიყოფა სიამოვნების ჰორმონი.

ბრიტანელმა სპეციალისტებმა კი დაადგინეს, რომ, მამაკაცთა აზრით, იდეალურია ქალი, რომლის სიმაღლე 163 სანტიმეტრია, წელის გარშემოწერილობა – 76 სანტიმეტრი, თეძო – 100 სმ. მკერდი – 95-100 სმ. აქვე აღვნიშნავთ, რომ არ ღირს უცხოური სოციოლოგიური კვლევების გულთან ახლოს მიტანა და მათი შედეგების გამოდევნება, თუმცა სპეციალისტთა ერთ ''აღმოჩენასაც'' გაგაცნობთ. აღმოჩნდა, რომ რაც უფრო დიდია თეძოსა და წელის გარშემოწერილობას შორის სხვაობა, მით უფრო მაღალია ქალის ინტელექტუალური შესაძლებლობები.

მაშ ასე, რამდენად ჭკვიანები არიან ''გემრიელი'' გარეგნობის მქონე ქალბატონები? ამერიკელი სპეციალისტები შეეცადნენ შეემოწმებინათ საზოგადოებაში დამკვიდრებული აზრი, რომ ქალი შეიძლება იყოს ან ჭკვიანი, ან ლამაზი. შედეგი, როგორც ზემოთ აღვნიშნეთ, არის ის, რომ რაც უფრო ფართო თეძო და ვიწრო წელი აქვს ქალს, მით უფრო მაღალი ინტელექტი აქვს. თურმე ამის მიზეზი ცხიმმჟავების რაოდენობა ყოფილა, რამდენადაც მაღალია ''ომეგა-3''-ის დონე ორგანიზმში, იმდენად მაღალია ქალის IQ.


წყარო: etanews.ge
































ტექსტის სანახავად გაიარეთ რეგისტრაცია.