ახალი წლის ღამეს ტყუილად როდი უწოდებენ ჯადოსნურს. ამ ღამეს ყველა უფრო ლამაზი, მხიარული, იმედით აღსავსეა. ყველაფერს რომ იოლად გაართვათ თავი, სპეციალისტთა რჩევებს შემოგთავაზებთ, რომ საყვარელი მამაკაცი ან სიყვარულის ობიექტი ჭკუიდან გადაიყვანოთ.
არომატული შხაპი
თუ ახალი წლის წინ მძიმე სამუშაო დღე გელით, ძალების აღდგენაში არომატული შხაპი დაგეხმარებათ. შხაპის მიღების წინ ლიმონის ან როზმარინის ზეთი აბაზანის ფსკერზე დაასხით, ცხელი წყალი ჩართეთ და აბაზანის კარი დახურეთ. არომატი წყლის ორთქლს შეერევა და ენერგიის აღდგენაში დაგეხმარებათ.
მაკიაჟი
საღამოს მაკიაჟის მთავარი მოთხოვნა მედეგობაა - წვეულებაზე ხომ ცეკვა, სიცილი 12 მოგიწევთ, ამიტომ ფხვიერის ნაცვლად კრემისებური ტექსტურის მაკიაჟი გამოიყენეთ. ასეთი კოსმეტიკური საშუალებები უფრო დიდხანს ძლებს.
შეგიძლიათ, გამოიყენოთ მარტივი მეთოდი: სახეზე დაიფარეთ ქაღალდის რბილი ხელსახოცი და წყალი შეისხურეთ. შემდეგ მოიცილეთ ხელსახოცი, ამ გზით მაკიაჟი უფრო დიდხანს გაძლებს.
ახალი ტანსაცმელი
სადღესასწაულოდ შეძენილი ახალი ტანსაცმელი ახალწლამდე რამდენიმე დღით ადრე შინ ჩაიცვით და ოთახში გაიარეთ, სავარძელში მოკალათდით, მოკლედ, წინასწარ შეეგუეთ, რომ წვეულებაზე თავი უხერხულად არ იგრძნოთ.
შავი კაბა
წელს საახალწლო სამოსი ნათელი ფერების უნდა იყოს, მაგრამ თუ არჩევანი კლასიკურ შავზე შეაჩერეთ, შეეცადეთ დამატებითი დეტალები - სამკაული, ქამარი, ჩანთა, თავშალი მაინც იყოს მკვეთრი ფერის.
ფეხსაცმელი
საახალწლო წვეულებისთვის მაღალქუსლიანი ფეხსაცმელი შეარჩიეთ. მაღალქუსლიანი ფეხსაცმელი ფეხს ვიზუალურად აგრძელებს. ამასთან, საზეიმო განწყობასაც ქმნის. მთავარია, თავი კომფორტულად იგრძნოთ. აუცილებელი არ არის 12-სანტიმეტრიან ქუსლებზე შედგომა.
სასმელი
სპირტიანი სასმელები ორგანიზმის გაუწყლოებას იწვევს. ამიტომ თითოეულ ბოკალ სპირტიან სასმელს ამდენივე წყალი დააყოლეთ. უმჯობესია, თუ სუფრასთან დაჯდომამდე ერთი საათით ადრე ერთ ბოთლ მინერალურ წყალს დალევთ - დილით არც ნაბახუსევი შეგაწუხებთ, არც თავბრუსხვევა და არც პირის სიმშრალე.
დიეტა
ახალი წლის წინ მთელი დღე ნუ იშიმშილებთ. ეს თავბრუსხვევის, დაღლილობისა და მუცლის შებერვის მეტს არაფერს მოგიტანთ. ამით წონას ვერ ''დაიგდებთ'', მოშიებული ორგანიზმი კი დაკარგულ კალორიებს საახალწლო ნუგბარიდან ორმაგად აღგიდგენს.
სასიამოვნო სუნთქვა
საახალწლო მრავალფეროვანი კერძებისგან თავის შეკავება ძნელია. ალკოჰოლის, ნივრისა და სხვა საკაზმის უსიამოვნო სუნისგან ოხრახუშის რამდენიმეფოტოლი გიხსნით. თუ სურნელოვანი საღეჭი რეზინი თან არ აღმოგაჩნდებათ, შეგიძლიათ ოხრახუში, ყავის მარცვალი ან ლიმონის ნაჭერი დაღეჭოთ.
წყარო: etanews.ge
როგორ გადავიყვანოთ მამაკაცი ჭკუიდან ახალი წლის ღამეს – ოქროს რჩევები ქალბატონებს
⏱️ 1 წთ.
👁️ 3 124
100%