თუ მთელი ღამე ქეიფს აპირებთ, ალკოჰოლი რომ მეტისმეტად არ მოგეკიდოთ, წინასწარ მაგარი შავი ჩაი ან მწვანე პიტნიანი ან ლიმონიანი ჩაი დალიეთ, შეგიძლიათ ყავაც მიირთვათ. ლიმონი, ყავა და ჩაი ალკოჰოლს ანეიტრალებს.
მსუბუქი სიმთვრალე მალე გაივლის. გახსოვდეთ, ყველა მძიმე სიმთვრალეს არყისა და ღვინის არევა იწვევს. ამ დროს გაცილებით ცუდად იგრძნობთ თავს, ვიდრე მხოლოდ ერთი სახის სასმელით დათრობისას. ასევე აუცილებელია იცოდეთ, ნახევრად მთვრალი სიცივეში სუფთა ჰაერზე ნუ გახვალთ. ამ დროს ჰაერი უფრო დაგათრობთ, შეიძლება გონებაც კი დაკარგოთ.
გამოფხიზლებაში ერთ ჭიქა ცივ წყალში გახსნილი 20 წვეთი პიტნის ნაყენი დაგეხმარებათ. ჭიქა ერთბაშად უნდა გამოცალოთ - სიმთვრალე მალე გაივლის, არც თავის ტკივილი და სიმძიმე შეგაწუხებთ. თუ მსუბუქად ნასვამი ხართ, შეგიძლიათ ერთ ჭიქა ცივ წყალში 2 წვეთი ნიშადურის სპირტი ჩააწვეთოთ.
უფრო მძიმე სიმთვრალისას წვეთების რაოდენობა 5-6-მდე გაზარდეთ. თუ ადამიანი უგონოდაა გალეშილი, პირი ძალით უნდა გაუღოთ და ნიშადურიანი წყალი ჩაასხათ. გრძნობაზე მოსაყვანად სწრაფად და ძლიერად უნდა დაუზილოთ ყურები. თავში სისხლის მიწოდების გაუმჯობესებისთანავე მთვრალი გონზე მოვა და სახლის მისამართსაც გაიხსენებს.
წყარო: etanews.ge
როგორ უნდა დააღწიოთ თავი მძიმე ნაბახუსევს
⏱️ 1 წთ.
👁️ 1 430
100%