როგორ წამოვიწყოთ ეფექტური ფლირტი
ქალის სხეული საიდუმლო კოდებს ატარებს, რომელთა პრაქტიკული და სწორი გამოყენებაც ნებისმიერ სუსტი სქესის წარმომადგენელს სასურველი მამაკაცისთვის ყველაზე სასურველ ქალად გარდაქმნაში დაეხმარება.
მეცნიერები ამ კოდის გამოყენების რამდენიმე მეთოდს გვთავაზობენ:
1. ფლირტის მთავარი საიდუმლოა - იყავით ის, ვინც ხართ და არასდროს შეგეშინდეთ ინიციატივის ხელში აღების... კვლევების თანახმად, მამაკაცების 93%-ი უპირატესობას მხიარულ, ბუნებრივ და საკუთარ თავში დარწმუნებულ ქალბატონებს ანიჭებს. 76%-ს კი ძალიან უყვარს, როდესაც პირველ ნაბიჯს სწორედ ქალი დგამს.
2. მაღალქუსლიანი ფესაცმელი და მოკლე კაბა მამაკაცების ყურადღების მიქცევის საუკეთესო საშუალებაა. ქალურობა ფლირტის პროვოცირების საბაბი ხდება. რაც შეეხება მაკიაჟს, მამაკაცები ყურადღებას მგრძნობიარე ტუჩებს, გრძელ წამწამებს, განსაკუთრებით მოვლილ ხელებს და ლამაზ ფრჩხილებს აქცევენ.
3. ფლირტი შესაძლებელია როგორც რეალურ, ისე ვირტუალურ სამყაროში. კვლევითი ცენტრის Pew Research Center-ის მონაცემების თანახმად, რესპოდენტების 40% -ი საწინააღმდეგო სქესის წარმომადგენლებს სოციალურ ქსელსა თუ ჩატში რეგულარულად „ეთამაშება“.
4. ავტომობილი - ეს ერთ-ერთი საუკეთესო ადგილია წარმატებული ფლირტისთვის. სოციოლოგიური კვლევების მიხედვით, მძღოლების 62% -ისთვის ფლირტი ავტომობილის მართვის დროს ჩვეულებრივი მოვლენაა. გამოკითხულთა 31%-ისთვის კი ასეთი ფლირტი რომანტიკული პაემნით სრულდება.
5. როგორც აღმოჩნდა, მამაკაცზე შთაბეჭდილებებს შემდეგი ფაქტორები ახდენენ: 55%-ის შემთხვევაში - ქალის პლასტიკა, 38%-ის - საუბრის მანერა და მხოლოდ 7% თვლის, რომ საუბრის შინაარსია მნიშვნელოვანი. სექსოლოგები აღნიშნავენ, რომ ფლირტის ეტაპზე ქალმა, უმჯობესია, პანტერას პლასტიკა გამოიყენოს. ესაა გაშლილი ბეჭები, მოდუნებული ხელები და თავდაჯერებული სიარულის მანერა. ამ გზით თქვენ აძლევთ სიგნალს მამაკაცს, რომ მარტო ხართ და არც ახალი ნაცნობობის საწინააღმდეგო გაქვთ რამე.
6. ფლირტის დროს მნიშვნელოვანია მანძილის დაცვაც. სოციოლოგების მტკიცებით, საუკეთესო დისტანცია 30 სანტიმეტრია. ამ დროს თქვენ პარტნიორის ინტიმურ ზონაში ხვდებით, თუმცა მის პირად საზღვრებს არ არღვევთ.
7. ყურადღების მიპყრობის კიდევ ერთი ეფექტური ხერხი - თუ ფლირტის დაწყებას აპირებთ, უბრალოდ, სასურველ მამაკაცზე მზერა 5 წამზე მეტხანს შეაჩერეთ. ეს შედეგს აუცილებლად მოიტანს.
8. სტატისტიკის მიხედვით, ოდნავ ღია პირი და გვერდზე გადახრილი თავი მამაკაცების 87% -ზე ემოციურად მოქმედებს. შეიძლება ითქვას, რომ ეს ფლირტის კლასიკაა.
9. მამაკაცები ქალის ყველაზე სექსუალური ჟესტად საკუთარი თმით თამაშს თვლიან. მათი თქმით, ეს ბუნებრივი ქმედებაა და ამავდროულად, ძალიან ეროტიულიც.
10. ფლირტის ერთ-ერთი ყველაზე საინტერესო ელემენტი ე.წ. „სარკეა“. ეს ის მომენტია, როდესაც ქალი მამაკაცის ქცევების კოპირებას ახდენს. ბუნებრივია, ამ დროს მამაკაცს არ უნდა ეგონოს, რომ დასცინით.
11. თუ თქვენ ფეხი ფეხზე გადადებული ჯდომა გიჭირთ, მდგომარეობა ნელა შეიცვალეთ. სტატისტიკის მიხედვით, ეს ჟესტი მამაკაცებს გულგრილს ვერ ტოვებს.
12. თვალებში შეხედეთ მოსაუბრეს და გონებით გაიმეორეთ: მე შესანიშნავი ვარ, ულამაზესი ვარ, საუკეთესო პარტნიორი ვარ... მთავარია, ეს შემთხვვით, ხმამაღლაც არ წამოგცდეთ...
13. უცოდველი მზერა ქვემოდან ზემოთ, აპრეხილი წამწამები და ოდნავ გვერდზე გადაგდებული თავი... მამაკაცების მტკიცებით, როდესაც ქალები მათ ასე უყურებენ, დაუცველობის შთაბეჭდილებას ტოვებენ, ეს კი ნიშნავს, რომ მათ გვერდით თავს ყველა მამაც და ძლიერ ადამიანად გრძნობს.
14. ნუ ისაუბრებთ ხმამაღლა - წყნარი ხმა იძულებულს გახდის მამაკაცს, მოგიახლოვდეთ და ამით შემცირდება დისტანცია თქვენს შორის.
15. შეეცადეთ, ხშირად მიმართოთ პარტნიორს სახელით. ეს საუბარს უფრო ინტიმურს გახდის.
16. ფრაზები ისე დააწყვეთ, რომ მამაკაცის პასუხი იყოს „დიახ“. თანხმობა აახლოებს ადამიანებს. მალე სასურველი მამაკაცი ვეღარაფერზე გეტყვით უარს.
17. მამაკაცებს უყვართ, როცა კონპლიმენტებით ანებივრებენ. ამიტომ ნუ დაიზარებთ მათ წარმოთქმას. ყურადღება მიაქციეთ კონპლიმენტის შინაარსს. მაგალითად, ცუდი კონპლიმენტებია: თქვენი ჰალსტუხი ლამაზია, მშვენიერი მანქანა გყოლიათ... ამის ნაცვლად უნდა თქვათ, მშვენიერი ჰალსტუხი შეგირჩევიათ, ბრწყინვალედ მართავთ მანქანას.
18. საკმაულები ფლირტში საუკეთესო დამხმარე საშუალებაა. საუბრის დროს კეკლუცად ითამაშეთ მძივით, ან საყურით. ეს ყურადღების მიპყრობაში დაგეხმარებათ.
19. სუნამო - სწორად შერჩეულ სურნელს მამაკაცის ჭკუიდან გადაყვანა შეუძლია. დამტკიცებულია, რომ ვანილის ან დარიჩინის არომატი ამისთვის ზედგამოჭრილია.
და ბოლოს, ყველაზე მთავარი - ნუ დააწყობთ სამომავლო გეგმებს იმ მამაკაცთან, რომელთანაც ფლირტი გავთ. ეს გულს გატკენთ. ფლირტი ახლაა, ამ მომენტისაა... ნუ გააფუჭებთ ყველაფერს, უბრალოდ, დატკბით!
sazogadoeba.ge