საზოგადოებაში ხშირად ამა თუ იმ საკითხზე გარკვეული შეხედულებები ყალიბდება და რაც მათავარია, წლების განმავლობაში იმდენად მტკიცედ მკვიდრდება, რომ მითისა და რეალობის გარკვევა ძნელი ხდება. ამჯერად რამდენიმე მათგანს შემოგთავაზებთ.
იმისათვის, რომ კარიესმა არ შეგვაწუხოს, საჭიროა კბილების ხშირი გახეხვა
სინამდვილეში: სტომატოლოგები კბილების დღეში ორჯერ გახეხვას გვირჩევენ. ეს განსაკუთრებით ეხებათ მათ, ვისაც თხელი, მონაცრისფრო მინანქარი და ბევრი დაპლომბილი კბილი აქვს. თუ თქვენი ბუნებრივი კბილის ფერი სპილოს ძვლისფერთან არის მიახლოებული ან უკვე სტაჟიანი მწეველი ხართ, მაშინ შეგიძლიათ კბილები დღეში სამჯერ გაიხეხოთ, მაგრამ არავითარ შემთხვევაში - მეტჯერ, რადგან თანამედროვე კბილის პასტებში არსებული ნივთიერებები მინანქრის გაფუჭებას იწვევს. შედეგად - კარიესიც უფრო მეტად შეგაწუხებთ.
საუკეთესო ხარისხის წინდები ნატურალური ძაფის უნდა იყოს
სინამდვილეში: ნატურალური მასალის წინდები კარგად იწოვს ფეხიდან გამოყოფილ ოფლს, იოლად ირეცხება, თუმცა აქვს ერთი უარყოფითი მხარეც - ქსოვილი, რომელიც ოფლით არის გამოკვებილი, მალე უხეშდება, ფორმას კარგავს და კანს აღიზიანებს. წინდები რაც უფრო მეტ ხანს ინარჩუნებს ფორმას, მით უფრო მეტად ხართ დაცული წყლულის გაჩენისა და სოკოვანი ინფექციისაგან.
ორსული ქალი კომპიუტერთან არ უნდა იჯდეს
სინამდვილეში: კომპიუტერი ბევრად უფრო სახიფათოა იმ მამაკაცებისათვის, რომლებიც მომავალი მამები უნდა გახდნენ. ამერიკელმა და რუსმა მეცნიერებმა ერთობლივი დაკვირვებების საფუძველზე აღმოაჩინეს, რომ კომპიუტერის აქტიური მომხმარებელი მამაკაცების სპერმატოზოიდებში ხდება ერთი და იგივე მუტაცია - ამინმჟავა ციტოზინი გარდაიქმნება ქიმიური შემადგენლობით მსგავს ნივთიერება თიმონად, რომელიც გენეტიკური კოდის შეცვლას იწვევს. ამიტომ ძლიერი სქესის წარმომადგენლებს სპეციალისტები ურჩევენ, სანამ ბავშვის ჩასახვას დაგეგმავენ, შეეცადონ, მინიმალური დრო გაატარონ კომპიუტერთან. გარდა ამისა, ყოველდღე მიიღონ 400 გრ ფოლიუმის მჟავა. იგივე რეკომენდაციები შეუძლიათ გაითვალისწინონ მანდილოსნებმაც.
წყარო: etanews.ge
რატომ უნდა ერიდოთ მამაკაცები კომპიუტერს - მითები და რეალობა
⏱️ 1 წთ.
👁️ 1 286
100%