სპეციალისტები დიდი ხნის განმავლობაში გვირჩევდნენ საკვებში მცენარეული ცხიმის გამოყენებას. თუმცა გაირკვა, რომ გაცხელებისას, ის დიდი რაოდენობით ტოქსიურ ქიმიურ ნაერთებს გამოყოფს. ამ ალდეჰიდებს შეუძლია კიბოს, ორსულობისას განვითარების მანკების, კუჭის წყლულის, ჰიპერტონიის, გულის დაავადებებისა და ჭკუასუსტობის გამოწვევაც კი.
ახალმა კვლევებმა აჩვენა, რომ სასარგებლოა საკვების მომზადება ღორის ქონით, ნაღების ან ქოქოსის კარაქით. კვლევებით აღმოჩნდა, რომ სიმინდის ან მზესუმზირის ზეთზე მომზადებული თევზი 200-ჯერ მეტ ტოქსიურ ალდეჰიდს შეიცავს, ვიდრე რეკომენდებულია უსაფრთხოების საერთაშორისო სტანდარტებით. ამასთან, ადრე ექსპერტები გვირჩევდნენ უპირატესობა სწორედ პოლიუჯერი ცხიმებისთვის მიგვენიჭებინა.
საქმე ისაა,რომ გაცხელებისას, ყველა ცხიმი ერთსა და იმავე ქიმიურ რეაქციაში შედის. მაგრამ პოლიუჯერი ცხიმები, რომელსაც მაგალითად ზეითუნის ზეთი შეიცავს, გამოყოფს გაცილებით მეტ ტოქსიურ ნაერთს, ვიდრე მონოუჯერი ცხიმები. ნაჯერი ცხიმები ყველაზე უსაფრთხო აღმოჩნდა.
ორგანიზმში გროვდება ლიპიდების დაჟანგვის პროდუქტები, რაც გარკვეული დროის შემდეგ ჯანმრთელობაზე ნეგატიურად მოქმედებს. მეცნიერები, პირველ რიგში, შემწვარი საკვებზე უარს თქმას გვირჩევენ. რადგანაც ბევრი ადამიანისთვის ეს შეუძლებელია, საკვების მოსამზადებლად სწორად უნდა შეირჩეს ცხიმი, მაგალითად ქოქოსის კარაქი, რომელიც შეიცავს 90% ნაჯერ ცხიმებს, რაც ჯანმრთელობისთვის უსაფრთხოა.
life.mediamall.ge
ღორის ქონი ზეითუნის ზეთზე სასარგებლო აღმოჩნდა
⏱️ 1 წთ.
👁️ 6 511
100%