ბიოლოგიური საათი ანუ, როგორ ვაქციოთ დღე მაქსიმალურად პროდუქტიულად



მრავალრიცხოვანი კვლევების თანახმად, ნებისმიერი ადამიანი იმ ბიოლოგიური საათით ცხოვრობს, რომელიც არეგულირებს მისი ორგანიზმის მუშაობას, ქცევას და ხასიათს. რა ვიცით საკუთარ თავზე და რისი გაგება გვჭირდება? რას ნიშნავს შინაგანი საათი და როგორ მუშაობს ის? გთავაზობთ ბიოლოგიური საათის მუშაობის ”მექანიზმს” რომლის მიხედვითაც თავისუფლად შეგიძლიათ დაგეგმოთ საკუთარი დღე.

სიბრმავის საათი – ღამის 2 საათზე ადამიანების მხედველობა საგრძნობლად კლებულობს, რაც აუცილებლად უნდა გაითვალისწინონ მძღოლებმა.

დაბადებისა და გარდაცვალების საათი – ღამის 12-დან დილის 4 საათამდე ყველაზე მეტი ბავშვი იბადება, ინფარქტების შემთხვევები კი, ძირითადად დილის 4 საათზე ფიქსირდება.

მოთენთილობის საათი – დილის 4-დან 5 საათამდე ადამიანს ყველაზე დაბალი არტერიული წნევა აქვს.

სიყვარულის საათი – დილის 8-დან 9 საათამდე ორგანიზმი ყველაზე მეტ სექსუალურ ჰორმონს გამოჰყოფს.

უმტკივნეულობის საათი – დილის 9-დან 10 საათამდე ადამიანი ყველაზე ნაკლებად განიცდის ტკივილის გრძნობას.

შემოქმედების საათი – დილის 10-დან 12 საათამდე ყველაზე აქტიურად მუშაობს თავის ტვინის ის ნახევარსფერო, რომელიც შემოქმედებით მუშაობაზე და აბსტრაქტულ აზროვნებაზე აგებს პასუხს.

ფიზიკური დატვირთვის საათი – დღის 12-დან 13:30-მდე თამამად შეგიძლიათ ივარჯიშოთ, რადგან სწორედ ამ დროსაა კუნთოვანი სისტემა ყველაზე შრომისუნარიანი.

საკვების გადამუშავების საათი – დღის 12:30-დან 13:30-მდე ორგანიზმი ყველაზე მეტ კუჭის წვენს გამოიმუშავებს.

ოსტატობის საათი – დღის 15-დან 16 საათამდე ყველაზე კარგად მუშაობს თითები, რისი ცოდნაც განსაკუთრებით მათთვისაა საჭირო, ვისაც ფაქიზ დეტალებთან აქვს საქმე.

ზრდის საათი – დღის 15-დან 16 საათამდე ყველაზე სწრაფად იზრდება თმა და ფრჩხილები.

სირბილის საათი – დღის 16:30-დან 18:00-მდე ყველაზე ინტენსიურად სუნთქავენ ფილტვები.

გრძნობის ორგანოების საათი – 17-დან 19 საათამდე ადამიანს უმძაფრდება ყნოსვა, გემო და სმენა.

ალკოჰოლის საათი – 18-დან 20 საათამდე ღვიძლი ყველაზე ეფექტურად უმკლავდება ალკოჰოლს.

სილამაზის საათი – 18-დან 20- საათამდე საუკეთესო დროა კოსმეტიკური პროცედურებისთვის, რადგან სწორედ ამ პერიოდშია კანი ყველაზე ჯანსაღი.

ურთიერთობის საათი – 20-დან 22 საათამდე ადამიანი ყველაზე მწვავედ განიცდის მარტოობას.

იმუნიტეტის საათი – 21:30-დან 22:30-მდე იმუნური სისტემა ყველაზე აქტიურად იცავს ორგანიზმს სხვადასხვა დაავადებებისგან.

galanews.ge
































ტექსტის სანახავად გაიარეთ რეგისტრაცია.