ჩვენ გარშემო უამრავი ნივთი თუ მოვლენა არსებობს, რომლებიც ძილზე უაყოფითად მოქმედებს და ხელს უშლის ნორმალურად გამოძინებას.
სრულყოფილი ძილი ადამიანისთვის ძალიან მნიშვნელოვანია. არასრულფასოვანი ძილი უარყოფითად მოქმედებს სახის კანზე, ნერვულ სისტემაზე და ზოგადად, ორგანიზმზე.
სტრესი.
მაშინაც კი, როდესაც მას უგულებელყოფთ, ის სხვადასხვა მეთოდით ახერხებს თქვენთვის განწყობის გაფუჭებას. სტრესი პროვოცირებას ახდენს ადრენალინის გამოყოფაზე, აჩქარებს პულსს, სისხლის მიმოქცევას, რაც კატასტროფულად მოქმედებს ძილის ხარისხზე. ეს ყველაფერი კი არავითარ შემთხვევაში არ მოგცემთ დასვენებისა მოდუნების საშუალებას.
შიმშილი.
თუკი გსურთ, რომ ორგანიზმმა სრულყოფილი ფუნქციონირებისთვის საკვები ნივთიერებების ნაკლებობა არ იგრძნოს, არავითარ შემთხვევაში არ დაიძინოთ მშიერმა. ივახშმეთ დაძინებამდე რამდენიმე საათით ადრე და ეცადეთ, ეს ყოველთვის ერთსა და იმავე დროს მოახერხოთ.
გაჯეტები.
თუკი ფიქრობთ, რომ ძილის წინ იმაზე სასარგებლო არაფერია, ვიდრე სოციალური მედიაგვერდების გადაშლა, ცდებით. თუკი ძილის წინ მთელი საათი სმარტფონში ხართ „შემძვრალი“, გამოყავით საკუთარი თავისთვის, სულ რაღაც, 20 წუთი, იმისთვის, რომ მოდუნდეთ, დამშვიდდეთ და ძილისთვის განეწყოთ.
პიჟამა.
ზოგს ღამის პერანგში ძილი სიამოვნებს, ზოგს კი სრულიად გაშიშვლებულს. აღმოჩნდა, რომ სასარგებლო არც ერთ არ არის. თუკი ზედმეტად ჩაცმული იძინებთ, დაგცხებათ და გაგეღვიძებათ, და პირიქით, თუკი ღამის პერანგის გარეშე დაიძინებთ, შესაძლოა, გაიყინოთ. გამოსავალი კი ერთია: შეარჩიეთ თხელი და მსუბუქი ნაჭერი, რომელიც კანისთვის სასიამოვნოა.
გართობა.
ოპტიმალური ძილისთვის, შემაშფოთებელი ფილმებისა და წიგნებისგან თავი უნდა შეიკავოთ. ძილის წინ მოიძიეთ სახალისო ფილმი ან გადაიკითხეთ კლასიკური ლიტერატურა.
ალკოჰოლი.
ალკოჰოლი ორგანიზმს ადუნებს, მაგრამ მშვიდ ძილს ნამდვილად არ უზრუნველყოფს. დაძინებამდე რამდენიმე საათით ადრე ერთი ბოკალი ღვინო სასარგებლოა, ხოლო უფრო მეტი – თქვენს სხეულს მოსვენების საშუალებას არ მისცემს.
galanews.ge
6 რამ, რაც ძილს გიფუჭებთ
⏱️ 1 წთ.
👁️ 1 295
100%