გაცნობისთანავე ადამიანებს ექმნებათ ჩვენზე ესა თუ ის წარმოდგენა. ამიტომ დამეთანხმებით ე.წ. “პირველი შთაბეჭდილების” ეფექტი დიდწილად მოქმედებს სამომავლო ურთიერთობის პერიპეტიებზე. ჩვენ გვინდა გასწავლოთ ერთი-ორი “საფირმო” ილეთი, რომლის მეშვეობითაც უპირობოდ მოიგებთ ახალგაცნობილის გულს, თუკი რა თქმა უნდა მისი ზოდიაქოს ნიშანი ცნობილია თქვენთვის.
ვერძს – თავდაჯერებულობა დაანახვეთ. თუმცა სითავხედეში არასოდეს გადახვიდეთ.
კუროს – სტაბილური და გაწონასწორებული ადამიანები ხიბლავს. დაანახვეთ, რომ თქვენი ნდობა შეიძლება.
ტყუპს – მოლაპარაკე ხალხი მოსწონს. ნაცნობობის წუთიდან გაუბით გულითადი მასლაათი სხვადასხვა თემაზე.
კირჩხიბს – ესაუბრეთ ოჯახზე. ყურადღება გაამახვილეთ იმაზე, თუ როგორ აფასებთ თქვენიანებს.
ლომს – შეუქეთ მჭერმეტყველება, ლამაზი სვიტერი ან დაინტერესდით მის კაბინეტში გამოფენილი სერტიფიკატებით. მოკლედ, აღფრთოვანდით!
ქალწულს – მოწესრიგებულობა ხიბლავს. აჩვენეთ, რომ სიტყვის კაცი ხართ. საქმეს გულისყურით ეკიდებით და არასოდეს აგვიანებთ.
სასწორს – დიპლომატია აჯადოებს. ხშირად გაუღიმეთ საუბრისას. იყავით დელიკატური და გალანტური.
მორიელს – დისტანციურობა იზიდავს. ზედმეტად არასოდეს გაუთამამდეთ პირველი ნაცნობობისას. იყავით ზომიერად იდუმალებით მოცული.
მშვილდოსანს – გულღია ხალხი მოსწონთ. მოუყევით ანეკდოტი, გააცინეთ და ის თქვენია!
თხის რქას – რესპექტაბელური ხალხი მოსწონს. აჩვენეთ, რომ სამოსით, თავდაჭერილობითა და აზროვნებით სტატუსს შეესაბამებით.
მერწყულს – ორიგინალური ადამიანები მოსწონს. უნდა იგრძნოს, რომ ბრბოსგან გამორჩეული ხართ. გამოთქვით თამამად ყველაზე უტოპიური აზრები.
თევზებს – ადამიანურობა და უბრალოება ხიბლავს. იყავით ის, რაც ხართ. თქვენ მას აუცილებლად მოეწონებით.
galanews.ge
როგორ მოვაწონოთ თავი ზოდიაქოს სხვადასხვა ნიშნებს
⏱️ 1 წთ.
👁️ 4 268
100%