რა შეცდომებს ვუშვებთ დიეტის დაცვისას



დიეტების უმრავლესობა 3 პრინციპზეა აგებული:

1. კალორიების შეზღუდვა;

2. ცილების, ნახშირწყლებისა და ცხიმების რეგულაცია;

3. გარკვეულ პროდუქტებზე უარის თქმა.

მიიჩნევენ, რომ ამ გზით ზედმეტ კილოგრამებსაც დაემშვიდობებით და თავსაც უკეთესად იგრძნობთ, ზოგიერთი ადამიანი კარგ შედეგს იღებს ხოლმე, მაგრამ სამწუხაროდ, წონის შენარჩუნებას ვერ ახერხებს.

„ქალებს წლების განმავლობაში არწმუნებდნენ, რომ იდეალური ფორმისთვის კალორიები უნდა ითვალონ, მაგრამ ამას შედეგი ყოველთვის როდი მოყვება, რადგან მიკროელემენტებს ივიწყებენ. ცოტა ხნის წინ ჩატარებულმა კვლევამ გვიჩვენა, რომ წონის შენარჩუნებაში მათ უმთავრესი როლი აქვთ“, - ამბობს ნუტრიციონისტი მირა კალტონი.

30 წლის ასაკში მირას ოსტეოპოროზის დიაგნოზი დაუსვეს, მან ეს დაავადება ორწლიანი ბრძოლის შემდეგ დაამარცხა და დაწერა წიგნი, სახელწოდებით „მიკროელემენტების სასწაულები“.

ვნახოთ, ამ სასიცოცხლოდ მნიშვნელოვანი ვიტამინების ნაკლებობას რა იწვევს:

1. გადამუშავებული საკვები (ნახევარფაბრიკატები, მზა სოუსები, ცომეული).
ასეთ პროდუქტებს დიეტოლოგები „ცარიელ კალორიებს“ უწოდებენ, რადგან არავითარი სარგებლობა არ მოაქვთ.

2. მკაცრი დიეტები. მაგალითად, მხოლოდ 1 პროდუქტით კვება, როგორებიცაა: ვაშლი, წიწიბურა, კეფირი და ასე შემდეგ. ასეთ „განტვირთვას“ ორგანიზმისთვის კარგი არაფერი მოაქვს, სინამდვილეში სხეული ე.წ. საშენ მასალას კარგავს.

3. უხარისხო პროდუქტები. ისინი ტოქსინებით არის სავსე;

4. სტრესი. ნერვიულობის ნიადაგზე ორგანიზმი უამრავ ვიტამინს კარგავს;

5. ბინძური ჰაერი, საკვები, წყალი, სახეხი საშუალებები - ეს ყველაფერი ორგანიზმს ფიტავს;

6. მედიკამენტები.
ისინი ორგანიზმზე ტოქსიკურ ზეგავლენას ახდენენ;

7. კუჭ-ნაწლავის პრობლემები. რასაც მივირთმევთ იმდენად მნიშვნელოვანი არაა, მთავარია, რას ვინელებთ. საკვები ჯანსაღი უნდა იყოს, თორემ მისი მონელების პრობლემას ვერსად გავექცევით.

სწრაფი გზა ლამაზი სხეულისკენ

გთავაზობთ რამდენიმე მარტივ ნაბიჯს, რომელიც სხეულის გალამაზებაში დაგეხმარებათ:


1. ყოველდღე მიირთვით ვიტამინებით მდიდარი, „ნამდვილი“ პროდუქტები;

2. დაივიწყეთ მკაცრი დიეტები, თორემ მიკროელემენტებს დაკარგავთ;

3. შეამცირეთ ტოქსინების რაოდენობა. დაიწყეთ ორგანული კოსმეტიკის გამოყენება, მოიხმარეთ ნატურალური სახეხი საშუალებები, ისეირნეთ სუფთა ჰაერზე;

4. დაკავდით იოგით ან მოსადუნებლად რაიმე სხვა, თქვენთვის სასურველი საშუალება მოძებნეთ;

5. ნელა მიირთვით, ყოველი ლუკმა კარგად დაღეჭეთ.

ავტორი: ნატალი ძნელაძე
































ტექსტის სანახავად გაიარეთ რეგისტრაცია.