1. პირის წკლაპუნი
თუ აზიის ქვეყნებში იმყოფებით, საკვებით გაგიმასპინძლდნენ და მისი მირთმევისას პირს არ აწკლაპუნებთ, მასპინძლები ჩათვლიან, რომ უკმაყოფილო ხართ. იაპონიაში ამავე წესი ვრცელდება ჩაის დალევაზეც, ჩაის ბოლო ყლუპი აუცილებლად ხმაურიანად უნდა მოსვათ, ეს ნიშნავს იმას, რომ ნასიამოვნები ხართ.
2. ფურთხება
ცხოვრებაში ერთხელ მაინც ყველანი აღმოვჩენილვართ ისეთ სიტუაციაში, როდესაც მოსაუბრე ლაპარაკის დროს იფურთხება, რაც ძალიან არ გვსიამოვნებს. მასაის ტომებთან შედარებით, აშკარად გაგიმართლათ, ბავშვები, რომლებიც უხუცესებს ესალმებიან, შესაძლოა მათი მხრიდან ფურთხის მსხვერპლნი გახდნენ - ამ გზით უფროსები კარგად აღზდრილ პატარებს ლოცავენ.
3. თეფშზე დატოვებული საჭმელი
ბავშვობიდან გვასწავლიდნენ, რომ თეფში ბოლომდე უნდა მოვასუფთავოთ, თუ ფილიპინებზე ან ჩრდილოეთ აფრიკის რომელიმე ქვეყანაში მოხვდებით, ეს წესი დაივიწყეთ. თეფშს თუ მოაპრიალებთ, მასპინძელი ჩათვლის, რომ არ დანაყრდით და კიდევ გაგიმასპინძლდებათ - თუ ასე არ მოიქცევა, გარშემომყოფები ძუნწად მიიჩნევენ.
4. „ჩაის“ დატოვება
იაპონელები „ჩაისთვის“ თანხის დატოვებას შეჩვეულნი არ არიან, ეს შესაძლოა შეურაცხმყოფელადაც კი ჩათვალონ. თუ პატივისცემის გამოხატვა გსურთ, უმჯობესი იქნება, თქვენი მადლიერება პატარა საჩუქრით დაადასტუროთ.
5. პუნქტუალურობა
ტანზანიაში ამა თუ იმ ღონისძიებაზე დროულად მისვლას, აუცილებლად უხეშ ჟესტად ჩაგითვლიან. ყველა სტუმარი დანიშნულ დროზე 15-30 წუთით აგვიანებს. ნაწილობრივ, ეს წესი გამომდინარეობს იქიდან, რომ ბევრ ტანზანიელს მანქანა არ ჰყავს და ზოგჯერ, ხელი არც საზოგადოებრივ ტრანპორტზე მიუწვდება, ამიტომ თქვენი დროულად მისვლა, სავსებით შესაძლებელია ქედმაღლობად შეაფასონ.
6. ყვავილების ჩუქება
ხშირად ყვავილებს როგორც უნივერსალურ საჩუქარს განიხილავენ, მაგრამ ყველა ყვავილს თავისი მნიშვნელობა აქვს და თუ თაიგულს ყურადღებით არ შეარჩევთ, შესაძლოა, საკმაოდ უსიამოვნო სიტუაციაში აღმოჩნდეთ. მაგალითად, ქრიზანთემები, ლილიები, გლადიოლუსები და სხვა თეთრი ფერის ყვავილები სამგლოვიარო ცერემონიაზე უნდა მიიტანოთ. თუ ჩინეთში ვინმეს თეთრი ყვავილების თაიგულს მიართმევთ, ხოლო საფრანგეთსა და გერმანიაში - მიხაკებისას, შეიძლება მიიჩნიონ, რომ მათ ნაადრევად სიკვდილს უსურვებთ.
7. ქათინაურები
აღმოსავლეთა და ზოგიერთ აფრიკულ ქვეყანაში ქათიანურების თქმა არასასურველია. ამ ქვეყნების მაცხოვრებლებს ნივთებს ნუ შეუქებთ, რადგან თავს ვალდებულად ჩათვლიან, ისინი თქვენ გაჩუქონ.
okmagazine.ge
ეტიკეტის ყველაზე უცნაური წესები
⏱️ 1 წთ.
👁️ 1 197
100%