პროფესიონალის რჩევები: 5 ნაბიჯი ჯანსაღი კვებისკენ



კულინარულ ბლოგს Deliciously Ella 46 ათასამდე ხელმომწერი ჰყავს, ელა ვუდვორდი არის ქალბატონი, რომელმაც გამოუშვა წიგნი სწორი კვების შესახებ და „ინსტაგრამზეც“ აქტიურობით გამოირჩევა. ახლა რთული დასაჯერებელია, მაგრამ როდესაც ელა 21 წლის იყო, მას პოსტურალური ტაქიკარდიის დიაგნოზი დაუსვეს, რის შემდეგაც რაციონის შეცვლა ძირფესვიანად მოუწია. მან პროფესიად დიეტოლოგია აირჩია და საკუთარ გამოცდილებას ფართო საზოგადოებასაც სიამოვნებით უზიარებს.

მაშ ასე, ჩვენ ელას 5 ყველაზე საინტერესო რჩევას გთავაზობთ:

1. ნუ განიცდით დანაშაულის გრძნობას. სწორი კვება უნდა გაგიადვილდეთ და დისკომფორტს არ განიჭებდეთ. დაიწყეთ დღეში 20–30% სასარგებლო პროდუქტით, იგრძენით, რომ მიზნის მიღწევას შეძლებთ, ამ პერიოდში საყვარელ საკვებზე, მაგალითად, პიცასა და ბურგერებზე უარს ნუ იტყვით, ძალიან მნიშვნელოვანია გონებასა და სხეულს შორის ჰარმონია დაამყაროთ.

2. კალორიების ნაცვლად, სარგებელი დათვალეთ. როდესაც ადამიანები დიეტაზე არიან, კალორიებს ითვლიან. ასე ნუ მოიქცევით, მითუმეტეს, უარი თქვით შიმშილზე, მოიმზადეთ ჯანსაღი და გემრიელი კერძი. გახსოვდეთ, როდესაც გშიათ, საფრთხე იმისა, რომ სული წაგძლევთ და რამე მავნებელს შეჭამთ, იზდება.

3. დაიწყეთ დილა ჯანსაღი საუზმით. დიდ ალბათობაა, რომ ასეთი საუზმის შემდეგ, სურვილი გაგიჩნდეთ მთელი დღე სასარგებლო საკვები მიირთვათ.

4. შაქარი და ნახევარფაბრიკატები ჩაანაცვლეთ. თეთრი ბრინჯის ნაცვლად, ყავისფერი მიირთვით, თეთრი შაქრის ნაცვლად, თაფლი და ასე შემდეგ.

5. სასარგებლო და ფსევდოსასარგებლო პროდუქტებს ერთმანეთში ნუ აურევთ. სინამდვილეში „უცხიმო“, „უშაქრო“ და „დაბალკალორიული“ პროდუქტები მავნე ნივთიერებებს შეიცავენ, ეტიკეტზე შემადგენლობის წაკითხვა ნურასოდეს დაგეზარებათ!

ავტორი: ნატალი ძნელაძე

okmagazine.ge
































ტექსტის სანახავად გაიარეთ რეგისტრაცია.